تورکیه‌دن قیریم تورکلری و چرکس سورگونلری ایله باغلی آچیقلاما
"حاق آختاریشینی داوام ائتدیره‌ن سویداشلاریمیز، ۱۹۴۴ سورگونون‌دن سونرا اون ایللرجه آنا وطنلری اولان قیریم یاریم آداسینا دؤنه بیلمه‌میشدیر"
خاریجی ایشلر باخانلیغی سؤزچوسو ائلچی تانژو بیلگیچ، تورکیه‌نین قیریم تاتار تورکلرینین یاشادیغی اولومسوزلوقلارین آرادان قالدیریلماسی، آنا وطنلرین‌ده کیملیکلرینی قورویاراق ساغلیق و گووه‌ن ایچین‌ده یاشامالاری اوچون گئچمیش‌ده اولدوغو کیمی بو گون ده دستگینی داوام ائتدیردیگینی ایفاده ائتدی.
سؤزچوسو بیلگیچ، قیریم تاتار و چرکس سورگونلرینین ایل دؤنوملری حاقین‌داکی سوالا یازیلی جاواب وئردی.
قیریمین یئرلی خالقی قیریم تاتار تورکلرینین ۷۹ ایل اول آنا وطنلرین‌دن زورلا قوپاریلاراق اینسانلیق دیشی شرطلرده سورگون ائدیلدیگینی خاطیرلادان بیلگیچ،
"سویداشلاریمیزین اؤنملی بیر قیسیمی سورگون سیراسین‌دا یا دا سورگون ائدیلدیکلری یئرلرده حیاتلارینی ایتیرمیشدیر. خشونتدن ایستیفاده ائتمه‌دن حاق آختاریشینی داوام ائتدیره‌ن سویداشلاریمیز، ۱۹۴۴ سورگونون‌دن سونرا اون ایللرجه آنا وطنلری اولان قیریم یاریم آداسینا دؤنه بیلمه‌میشدیر" ایفاده‌لرینی ایشلتدی.
بیلگیچ،
"تورکیه، قیریم تاتار تورکلرینین یاشادیغی اولومسوزلوقلارین آرادان قالدیریلماسی، آنا وطنلرین‌ده کیملیکلرینی قورویاراق ساغلیق و گووه‌ن ایچین‌ده یاشامالاری اوچون گئچمیش‌ده اولدوغو کیمی بو گون ده دستگینی داوام ائتدیرمکده‌دیر" دگرلندیرمه‌سینی وئردی.
چرکس سورگونونون ۱۵۹ ایل اول قافقاز خالقلارینین ۲۱ می گونو اؤز یوردلارینی ترک ائتمه‌یه مجبور ائدیله‌رک آغیر شرطلرده بؤیوک ایتکیلر وئردیگی، هر ایل حوزنله آندیقلاری بیر تراژدی اولدوغونو ایفاده ائدن بیلگیچ، بونلاری قید ائتدی:
"سویداش قیریم تاتار تورکلری ایله قارداش قافقاز خالقلارینین آجیلارینی پایلاشیر، اورتاق یادداشیمیزدا سیلینمز ایزلر بوراخان بو تراژیک حادثه‌لرده حیاتلارینی ایتیره‌نلره رحمت دیله‌ییر و خاطره‌لری قارشیسین‌دا حؤرمتله اییلیریک".
