حولوصی آکار: "تورکیه سرحدلریندن قانون‌سوز کئچید ادعا‌لاری تامامیله اساس‌سیزدیر"
میللی ساوونما ناظیری حولوصی آکار تورکیه سرحدلریندن قانون‌سوز کئچید ادعا‌لاری‌نین حقیقتی عکس ائتدیرمه‌دیگینی بیلدیریب.
میللی ساوونما ناظیری حولوصی آکار تورکیه سرحدلریندن قانون‌سوز کئچید ادعا‌لاری‌نین حقیقتی عکس ائتدیرمه‌دیگینی بیلدیریب.
حولوصی آکار فوریه‌نین 6-دا باش وئرن قهرمان ماراش مرکزلی زلز‌له‌لردن ضررچکن حاتای ویلایتینده فعالیت‌لرینی داوام ائتدیریر.
حاتای ویلایتی‌نین کریکرهان قصبه‌سینده زلز‌له قوربان‌لاری ایله بیر آرایا گلن آکار تورک سلاحلی قوه لری زلز‌له‌نین فسادلاری ایله موباریزه ایله یاناشی، سرحد تهلوکه‌سیزلیگی و ترورلا موباریزه ده داخیل اولماقلا، بوتون ایشلرینی فاصیله‌سیز اولا‌راق داوام ائتدیردیگینی وورغولاییب.
سرحدلرین تهلوکه‌سیزلیگی اوچون گؤرولن تدبیرلره ایشاره ائدن ناظیر آکار تورک سلاحلی قوه لری ان قاباقجیل تکنولوژی لردن ایستیفاده ائده‌رک سرحدلردن غیری-قانونی کئچیدلره اصلا ایجازه وئرمیر" دئییب.
ناظیر آکار خصوصیله سوسیال شبکه‌لرده ایره‌لی سورولن و سرحدلرده چکیلدیگی ادعا ائدیلن گؤرونتولره ده توخونوب:
"باشقا اؤلکه‌لرده و موختلیف واخت‌لاردا چکیلمیش فوتو و ویدئولاردان ایستیفاده ائدیله‌رک بعضی شرح‌لر ائدیلیر، سیاسی فیکیرلر ایره‌لی سورولور. بون‌لار تامامیله یانلیش‌دیر، دوغرو دئییل. حربی قوه‌لریمیز گونون 24 ساعاتی، ان قاباقجیل تکنولوژی لردن ایستیفاده ائده‌رک سرحدلریمیزین تهلوکه‌سیزلیگینی تامین ائتمک اوچون بؤیوک عزم، قطعیت و فداکارلیقلا فعالیت‌لرینی داوام ائتدیریر. تورک سلاحلی قوه لری هر هانسی شکیلده سرحدلریمیزدن قانون‌سوز کئچیدلره ایجازه وئرمز، ضعیف‌لیک گؤسترمز".
6 فوریه زلز‌له‌لریندن سونرا "تورکیه-یه قاچقین آخینی" ادعا‌لاری‌نین ایره‌لی سورولدوگونو خاطیرلا‌دان آکار بو ادعا‌لارین تامامیله اساس‌سیز و یالان اولدوغونو دئییب.
