اردوغان: ییخیلان شهرلریمیزی آیاغا قالدیرما سؤزوموز وار
"اؤنوموزده‌کی بیر ایل ایچینده ۶۵۰ مین ائو تیکه‌رک حاق صاحبلرینه تسلیم ائتمه‌یی پلانلاییریق"
جمهورباشقانی رجب طیب اردوغان، ۶ فوریه‌ده میدانا گلن زلز‌له‌لرده ییخیلان شهرلری بیر ایل ایچینده یئنیدن آیاغا قالدیرما سؤزو وئردیکلرینی ایفاده ائد‌رک، ۶۵۰ مین ائو تیکه‌رک حاق صاحبلرینه تسلیم ائتمه‌یی پلانلادیقلارینی سؤیله‌دی.
جمهورباشقانی اردوغان، باشقانی اولدوغو عدالت و قالخینما پارتیسینین (آک پارتی) تورکیه بؤیوک میللت مجلیسینده‌کی قروپ توپلانتیسیندا دانیشدی.
تورکیه‌نین، ۶ فوریه سحرینه سون بیر عصرین ان بؤیوک فلاکتی ایله اویاندیغینی وورغولایان اردوغان،
"یئر اوزونه ۷ کیلومتر کیمی اولدوقجا یاخین بیر مسافه‌ده و یئرله‌شیم ساحه‌لرینین آلتیندا گئرچکلشن زلز‌له‌لرین شدتی بنزر بؤیوکلوک‌ده‌کی نومونه‌لری ایله مقایسه ائدیله‌بیلمه‌یه‌جک قدر گوجلو ایدی" دئدی.
تورکیه‌نین آغیر قیش شرطلرینین یاشاندیغی گونلرده زلزله‌یه توتولدوغونو وورغولایان اردوغان، بونا باخمایاراق دؤولت و میللت اولاراق فلاکت خبرینی آلیر آلماز ییخیمین و قیشین چتینلیکلرینی آشاراق زلزله بؤلگه‌سینه گئتدیکلرینی ایفاده ائتدی.
"بیزه دوشن کؤنوللره تسکین وئرمک، آجیلاری پایلاشماق، یارالاری سارماق، ائولر باش‌دا اولماق اوزره مادی ایتکیلری تلافی ائتمکدیر" دئیه‌ن اردوغان،
"میللتیمیزه زلز‌له‌ده ییخیلان شهرلریمیزی بیر ایل ایچینده یئنیدن آیاغا قالدیرما سؤزوموز وار. اؤنوموزده‌کی بیر ایل ایچینده ۶۵۰ مین ائو تیکه‌رک حاق صاحبلرینه تسلیم ائتمه‌یی پلانلاییریق" شکلینده دانیشدی.
جمهورباشقانی،
"گئچدییمیز ۲۰ ایلده خیدمته سوندوغوموز ۱ میلیون ۱۸۰ مین توپلو قونود و اینشاسینی گئرچکلشدیردیگیمیز ۳،۳ میلیون شهرسل دؤنوشوم پروژه‌سی سؤزوموزو توتاجاغیمیزین ضمانتیدیر" ایفاده‌لرینی ایشلتدی.
