پ‌کاکالی تروریست بولقاریستاندا یاخالاندی
ایستانبولدا ایستیقلال جاده‌سینده‌کی پاتلامانی پلانلاشدیران بلال حسنی یورددیشینا آپاران حازنی کؤلگه، دونن بولقاریستاندا توتولدو و تورکیه‌یه تحویل وئریلدی
ایستانبول تقسیم‌ده‌کی بومبالی سالدیرینی پلانلایان بؤلوجو ترور هؤگوتو عضوو تروریست بلال حسنین یورددیشینا آپاریلماسینا یاردیم ائدن حازنی کؤلگه بولقاریستاندا یاخالاندی.
ایچ ایشلری باخانی سلیمان سویلو، اؤزل بیر تلویزیون کانالینا وئردیگی آچیقلامادا، ۱۳ نوامبردا ۶ نفرین اؤلدوگو، ۸۱ نفرین یارالاندیغی ایستانبولدا ایستیقلال جاده‌سینده‌کی پاتلامانی پلانلاشدیران بلال حسنی یورددیشینا آپاران حازنی کؤلگه‌نین دونن بولقاریستاندا توتولدوغونو و تورکیه‌یه تحویل وئریلدیگینی بیلدیردی.
ترورا قارشی ائدیلن مباریزه‌یه توخونان سویلو، تورکیه‌ده‌کی تروریست ساییسینین ۱۲۰نین آلتیندا اولدوغونو ایفاده ائتدی.
شیرناکیداکی گابار داغیندا ائدیلن عملیاتلا باغلی سویلو:
«گاباردا ۴ تروریست ضررسیزلشدیریلدی. اونلاردان ایکی‌سی بوز کتگوریده یئر آلیردی. گابار داغیندا ۷ تروریست وار ایدی، دؤردو گئتدی، ایندی اوچو قالدی. جودی داغی تمیزلندی. اورادا دسامبر آییندا ۱۱ تئروریستی ضررسیزلشدیردیک» دئیه بیلدیردی.
تورکیه‌نین ترورلا مباریزه‌ده تاریخ یازدیغینی قید ائدن ایچ ایشلری باخانی:
"بیز، تکجه پ‌کاکا/کاج‌کا ترور هؤرگوتو ایله اوغراشمادیق. سوریه‌نین قوزئیینده "فرات قالخانی" عملیاتی، داعش اوچون ائدیلدی. بیز داعشه قارشی دا مبارزه ائتدی، اۆز اۆزه مبارزه ائدن تک اؤلکه بیزیک. تورکیه‌ده، آمریکا و آوروپایا باخمایاراق فتح‌لله‌چی ترور هؤرگوتونه (فئتؤ) دیز چؤکدوردوک" ایفاده‌لرینی ایشلتدی.
