اردوغاندان بایدنه: تورکیهیه میدان اوخوماغا قالخماسینی باغیشلامامیز ممکن دئییل
"گالیچیادان لیبییه قدر اوزانان گئنیش بیر جغرافیادا وئردیگیمیزساواشلارین هئچ بیرینده اوتانج وئریجی بیر صحنه گؤرهبیلمزسینیز، تاپابیلمزسینیز"
جمهورباشقانی رجب طیب اردوغان، آمریکا بیرلشمیش دؤولتلری باشقانی جو بایدنین ۱۹۱۵ اولایلاری ایله باغلی آچیقلاماسینا تپکی وئرهرک،
"سایین بایدنین، ارمنیلرله اولان تاریخی چوخ یاخشی اؤیرهنمهسی، بیلمهسی لازیم. بونلاری بیلمهدن تورکیهیه میدان اوخوماغا قالخماسینی باغیشلامامیز ممکن دئییل" دئدی.
باشکند آنکارادا کابینه ییغینجاغی سونراسی دانیشان اردوغان، ۱۹۱۵ حادثهلرینه باغلی وئریلن آچیقلامالارا توخوندو.
"گالیچیادان لیبییه قدر اوزانان گئنیش بیر جغرافیادا وئردیگیمیزساواشلارین هئچ بیرینده اوتانج وئریجی بیر صحنه گؤرهبیلمزسینیز، تاپابیلمزسینیز" ایفادهلرینی ایشلهدن اردوغان، مختلیف اؤلکهلرین رهبرلیکلری و پارلمانلاری طرفیندن سؤزده ارمنی ادعالارینا باغلی صرف ائدیلهن ایفادهلرین تورکیه یانیندا هئچ بیر حؤکمو اولمادیغینی وورغولادی.
بو چرچیوهده، آمریکا باشقانی بایدنین ۱۹۱۵ حادثهلرینه باغلی آچیقلامالارینا دا تپکی وئرهن جمهورباشقانی اردوغان،
"سایین بایدنین، ارمنیلرله اولان تاریخی چوخ یاخشی اؤیرهنمهسی، بیلمهسی لازیم. بونلاری بیلمهدن تورکیهیه میدان اوخوماغا قالخماسینی باغیشلامامیز ممکن دئییل" دئیه دانیشدی.
اردوغان، بایدنین ۱۹۱۵ حادثهلرینه باغلی ایفادهلری هامیسینین یالان، یانلیش بیلگیلر اوزرینه قورولدوغو اوچون، اوزرینده دورماغا دگر بئله گؤرمهدیکلرینی وورغولادی.