جمهور باشقانی اردوغان عالی تحصیل ایله علاقهدار پایلاشیم ائدیب
جمهور باشقانی رجب طیب اردوغان عالی تحصیلده کیفیت یاریشینین سونا چاتمایان بیر پروسه اولدوغونو بیلدیریب.
"عالی تحصیلده کیفیت یاریشی سونا چاتمایان بیر سورجدیر. جمهور باشقانلیغی اولاراق گنجلریمیزین کیفیتلی تحصیل آلماسی اوچون بوتون ایمکانلاریمیزی سفربر ائتدیک".
بونو جمهور باشقانی رجب طیب اردوغان حاکمیتلری دؤورونده عالی تحصیلده قازاندیغی ایرلیلییشه دایر پایلاشیم ائتدیگی اینفوگرافیک ایله باغلی معلوماتدا بیلدیریب.
بونا گؤره، 2002-جی ایلده 76 اولان بیلیم یوردو سایی 2021-جی ایلده 207-یه یوکسلیب. عالی تحصیل بودجهسی 2،5 میلیارد لیرهدن 36 میلیارد لیرهیه چیخیب.
2002- جی ایلده طلبه سایی بیر میلیون 600 مین اولدوغو حالدا، حاضیردا بو رقم 8 میلیون 400 مینه چاتیب.
استادلارین سایی ایسه 70 میندن 180 مینه یوکسلیب. عالی تحصیل سیستمیندکی قادین آکادمیسینلرین نیسبتی، آوروپا بیرلیگینده 40 فایز اولان اورتا حسابین 5 امتیاز یوخاریسیندادیر.
اوللر 42 فایز اولان قیز طلبهلرین نیسبتی بو ایل 49 فایزه یوکسلیب.
دونیانین هر یئریندن 200 میندن چوخ طلبه تورکیه بیلیم یوردلاریندا گلهجهیه حاضیرلاشیر.
تورکیه آوروپاداکی بیلیم یوردونا الچاتان اؤلکه کیمی بیرینجی یئردهدیر.
بیرلشمیش میللتلر تشکیلاتی تحصیل، علم و مدنیت تشکیلاتینین (یونسکو) معلوماتینا گؤره، تورکیه اولوسلار آراسی اویرنجی لری اؤلکهیه جلب ائتمکده دونیانین ایلک 10 اؤلکهسی سیراسینا داخیل اولماغی باجاریب.