سیرت-ده ایکی پولیس امکداشی شهید اولوب
سیرت-ده کی قارشیدورمادا ایکی پولیس شهید اولوب.
1456346
سیرت-ین پرواری قصبه‌سی‌نین دوغان کندی بؤلگه‌سینده ایجرا ائدیلن ترور عملیات‌لاری زامانی آغیر یارالانان خصوصی پولیس حرکاتی‌نین ایکی امکداشی، بوتون طبی موداخیله‌لره باخمایا‌راق، شهید اولوب.
تورکیه ایچ ایشلر ناظیرلیگیندن وئریلن معلوماتا گؤره، سیرت ژاندارما قوموتانلیغی طرفیندن رئال‌لاش‌دیریلان عملیات چرچیوه‌سینده 15 ژوئیه ده ده یرمنداشی تپه بؤلگه‌سینده بؤلوجو ترور تشکیلاتی پ.کا.کا-لیلارلا گرگین قارشیدورما یارانیب. قارشیدورمادا ایکیسی آغیر اولماقلا دؤرد خصوصی پولیس حرکاتی امکداشی یارالانیب. یارا‌لی پولیس‌لر هلی کوپتر ایله بؤلگه‌دن گؤتوروله‌رک شیرناک حربی خسته‌خاناسینا آپاریلیب. آغیر یارالانان ایکی پولیس مامورو خسته‌خانادا، بوتون موداخیله‌لره باخمایا‌راق، شهید اولوب.
