تورکیه خوجالی قتل عامینی و آذربایجان تورپاقلارینین ایشغالینی کسکین شکیلده قینادیغینی بیلدیردی
تورکیه خاریجی ایشلر ناظیرلیگی خوجالی قتل عامینین 28-جی ایلدؤنومو ایله علاقهدار آچیقلاما یاییب.
تورکیه خاریجی ایشلر ناظیرلیگی خوجالی قتل عامینین 28-جی ایلدؤنومو ایله علاقهدار آچیقلاما یاییب.
آچیقلامادا بیلدیریلیب کی، ارمنیستان سلاحلیلارینین 1992-جی ایل فوریه نین 26-دا آذربایجانین داغلیق قاراباغ بؤلگهسیندکی خوجالی شهرینه هوجومو نتیجهسینده 106-سی قادین، 63-و اوشاق و 70-ی قوجا اولماقلا، عمومی لیکده، 613 سیویل آذربایجانلی قددارجاسینا قتله یئتیریلیب، یوزلرله اینسان یارالانیب. میندن چوخ اینسان ارمنیستان طرفیندن اسیر گؤتورولوب. ایتکین دوشنلرین تالعی بارهده هله ده معلومات یوخدور. سیویل اهالییه قارشی تؤرهدیلن اینسانلیغا یاراشمایان بو فاجعه داخیل اولماقلا، آذربایجان تورپاقلارینین ایشغالی نتیجهسینده بیر میلیوندان چوخ آذربایجانلی ائولرینی ترک ائتمک مجبوریتینده قالاراق اؤلکهلرینده قاچقین کیمی یاشاماقدادیر. حاضردا آذربایجان اراضیسینین 20 فایزی ایشغال آلتیندادیر.
آچیقلامادا دئییلیب کی، خوجالی قتل عامینی و آذربایجان تورپاقلارینین ایللردیر ایشغال آلتیندا ساخلانماسینی کسکین شکیلده قیناییریق. آذربایجانلی قارداشلاریمیزین 28 ایل اول خوجالیدا معروض قالدیقلاری قتل عامین آجیسینی دریندن بؤلوشوروک. بو فاجعهده حیاتینی ایتیرنلره اللهدان رحمت دیلییر، بوتون آذربایجان خالقینا ان صمیمی باش ساغلیغی دیلکلریمیزی بیر داها تقدیم ائدیریک.