مشهور ایش آدامی اسحاق آلاتون وفات ائتدی
او، 1998-2012-جی ایللر آراسیندا جنوبی افریقا ایستانبول فخری باش سفیری اولموش، سوئد بیرینجی صینیف شیمال اولدوزو نیشانی و ایسپانیا کرال وطنداش لیاقت نیشانی آلمیشدی.
تورکیه صنایعسینین اینکیشافیندا اهمیتلی رول اوینامیش مشهور ایش آدامی اسحاق آلاتون ایستانبولدا معالیجه آلدیغی خستهخانادا حیاتینی ایتیردی.
89 یاشیندا دونیاسینی وفات ائدن اسحاق آلاتون ایش حیاتینا 1951-جی ایلده سوئده بیر لوکوموتیو کارخاناسیندا قایناقچی کیمی باشلامیشدی. سونرا عینی فابریکادا تکنیکی رسام اولاراق 2 ایل چالیشدی. 1954-جو ایلده تورکیهیه دؤندوکدن سونرا اوزییر قاریح ایله بیرلیکده آلارکو کوللکتیو شیرکتینی قوردو.
آلارکو هولدینگ ایداره هئیتینین صدری وظیفهسینی 2015-جی ایله قدر داوام ائتدیرن آلاتون داها سونرا آلارکو هولدینگین فخری صدری اولدو.
اسحاق آلاتون تورکیه سوسیال و اقتصادی ائتودلر جمعیتی و آچیق جمعیت فوندونون قوروجولارینداندیر. او، 1998-2012-جی ایللر آراسیندا جنوبی افریقا ایستانبول فخری باش سفیری اولموش، سوئد بیرینجی صینیف شیمال اولدوزو نیشانی و ایسپانیا کرال وطنداش لیاقت نیشانی آلمیشدی.