تورک آکتیویست حمید منافی ایذنه چیخدی
منافی، گئچن تیر آیینین سونوندا توتوقلاناراق، ایکی ایللیک حبس جزاسینی چکمک اوچون اوین حبسخاناسینا گؤندریلمیشدی
اوین حبسخاناسیندا توتولان آذربایجانلی تورک آکتیویست حمید منافی نادارلی، ایذنه چیخدی.
ایراندا انسان حاقلاری آکتیویستلری خبر ارگانی هرانانین خبرینه گؤره، منافینین کفالت قراری ایله وئریلن ایذنی 19 گون سورهجک.
تورک آکتیویست، گئچن تیر آیینین سونوندا توتوقلاناراق، ایکی ایللیک حبسینی چکمک اوچون اوین حبسخاناسینا گؤندریلمیشدی.
منافی، 1392ده دونیا آنادیلی گونونده تهراندا گؤزآلتینا آلینمیش، وثیقه قراری ایله محکمه سورهجی سونوجلانانا قدر گئچیجی اولاراق بوراخیلمیشدی. سونوندا، 1395ده "اؤلکه امنیتینه قارشی قروپلارا عضو اولماق" سوچوندان 2 ایل تعزیری حبس جزاسینا محکوم اولموشدو.
آنا دیلی گونو مراسیمینده منافی ایله بیرلیکده گؤز آلتینا آلینان بهنام شیخی، علیرضا فرشی، توحید امیر امینی و کیانوش اصلانی ده حاضیردا حبسخانادا محکومیت دؤملرینی گئچیرمکدهدیرلر.