تورکیهنین یئنی ویزیونو(20)
تورکیه، اساسیندا بؤیوک بیر نفوسا و چوخ محدود ایمکانلارا صاحب بیر اؤلکه اولماسینا باخمایاراق ایشسیزلیک نیسبتی نیسبیلیک اولاراق آشاغی اولان بیر اؤلکهدیر
تورکیهنین یئنی ویزیونو(20)
بو گون معاصر دونیانین قارشیلاشدیغی ان جدی پروبلملردن بیری ده استخدامدیر.
ایشسیزلیک، آز قالا بوتون کاتقوریدن اولان اؤلکهلرده موجوددور. آز اینکیشاف ائتمیش، اینکیشاف ائتمکده اولان و اینکیشاف ائتمیش اؤلکهلرده گؤرولن جدی بیر اجتماعی پروبلمدیر. ایشسیزلیک هله ده اینکیشاف ائتمیش اؤلکهلرده اورتا حسابلا 5%، اینکیشاف ائتمکده اولان اؤلکلرده % 10 و آز اینکیشاف ائتمیش اؤلکهلرده ایسه% 10 ایله% 30 آراسیندا دییشیر.
تورکیه، اساسیندا بؤیوک بیر نفوسا و چوخ محدود ایمکانلارا صاحب بیر اؤلکه اولماسینا باخمایاراق ایشسیزلیک نیسبتی نیسبیلیک اولاراق آشاغی اولان بیر اؤلکهدیر. تورکیه، ایشسیزلیگی اؤزونه خاص اصول و تکنیکلرله گیدرهبیلن چوخ آز اؤلکهدن بیریدیر.
استخدام پروبلمینی حل ائتمک اوچون ایکی ماکرو پروژهدن سؤز ائدیله بیلر. بیرینجیسی یئرلی رهبرلیکلرین ایجرا ائتدیکلری خصوصیتلی امک یئتیشدیرمه ایشلری ایکینجیسی ده ایش تاپما تشکیلاتینین جمعیت فایداسینا استخدام دستگیدیر.
یاتیریملارین تشویق ائدیلدیگی بؤلگهلردکی اورهتیچیلره تامین ایمکانلاری دا بونا علاوه ائده، بو وضعیتده بوتون دونیادا گؤرولن بو پروبلمین تورکیهده ایداره ائدیله بیلر بیر سویهده توتولابیلدیغینه شاهید اولماقداییق.
بلدیهلر، خصوصیله ده ایستانبول و آنکارا بؤیوکشهر بلدیهلری باشاریق قازاندیرما کورسلاری ایله گونوموز سکتورلارینین احتیاجی اولان خصوصیتلی ایشچی گوجونو تامین ائدهجک اهمیتلی ایشلر ائتمکدهدیرلر.
کیشیلره مختلیف ساحهلرده باشاری قازاندیران و بو سببدن اونلارین ایش تاپما ایمکانلارینی آرتیران تحصیل پروقراملاری تشکیل ائدیرلر.
دوغرودان دا اینسانین الیندن بیر ایش گلمهسی چوخ حیاتی بیر موضوعدور. آنادولو دا بونا چوخ اهمیت وئریرلر. بئله کی بو موضوعیا اهمیت وئرن و چوخ مشهور اولاراق بیلینن بیر حکایه ده وار آنادولودا.
--------
روایته گؤره اؤلکهنین پادشاهینین اوغلو اؤز حالینداکی بیری قیزینا عاشیق اولور. اونونلا ائولنمک ایستر. آنجاق آتاسی، یعنی اؤلکهنین پادشاهی بونا اعتراض ائدیر. دنگی اولان بیرینی تاپماسینی ایستییر. آنجاق اوغلان ایصرار ائدر و ایمتیناع ائتمیهجگینی سؤیلهییر. بابا، اوشاغین بو سئودادان ایمتیناع ائتمهیهجک اولدوغونو گؤرونجه وزیرینه وضعیتی دانیشیر.
وزیر ده افندیم مادام ایصرار ائدیر گئدیب قیزی آلاق دئیر. نهایت قیزی گئدیب آتاسیندان ایستمهیه قرار وئریرلر. اوّل خبر سالینیر قیزین ائوینه. آخشام پادشاه و دیوانی سیزه گلهجکلر دئییلر.
آدام حاضرلیقلاری ائدر. پادشاه تشریف ائدر. تواضعکار ائوینده بیر پادشاهی موقعیتینه اویقون بیر شکیلده قارشیلاماغا چالیشیر و هم قورخو، هم ده ماراق ایچیندهدیر. گؤرهسن نه اوچون تشریف ائتمیشدیر بؤیوک پادشاه. ؟؟؟
سونوندا وزیر سؤزه گیرر. اللهین امری، پیغمبرین سؤزو ایله قیزینیزی پادیشاهیمیزین اوغلونا ایستمهیه گلدیک دئیر. قیزین آتاسی بوندان بؤیوک بیر غورور دویدوغونو سؤیلهییب اوشاغین هر هانسی بیر پئشهسینین و یا ال باجاریغیسی اولوب اولمادیغینی سوروشار.
پادشاه حیرصلنر و کوجا اؤلکهنین تاختینین واریثی اولان بیریسیندن بئله سیراوی بیر شئیی طلب ائتمهسینه چوخ حیرصلنر.
بهانه آختاردیغینی سؤیلهییب ائوی ترک ائتمک ایستیرکن آدام تیترک و قورخاق بیر سسله سؤزه گیرر.
سیز اگر ایستهسهنیز زورلا بلکه قیزیمی آلا بیلرسینیز اما منیم ده رضامی آلماق ایستییرسینیزسه من هئچ بیر خصوصیتی، ال باجاریغی اولمایان بیرینه قیزیمی وئرمک ایستمیرم دئیر.
او گئجه دادسیز بیر شکیلده بیتر.
پادشاه وضعیتی اوغلونا سؤیلهیر. اما اوشاق او قیزی آلما موضوعسوندا ایصرارچیدیر.
سونوندا پادشاه و قروپو، اوغلانا ان قیسا مدتده بیر باجاریق قازاندیرماغا قرار وئریرلر و اونا خالچا توخوما اؤیرهدیرلر.
بئلهجه قیزی آلیرلار. توی اولور، ائولنیرلر. بیر مدت سونرا پادشاه اؤلور اوغلو تاختا کئچر. سونرا بیر گون قولدورلار سارایا باسقین ائدرلر. هر شئیی تالان ائدیب پادشاهی دا قاچیرارلار.
پادشاه قولدورلارین الینده گیروو قالار. قولدورلار، پادشاهی گیروو توتاراق هر گون اونون گیزلی خزینهلریندن بیرینی اله کئچیریرلر. بوتون وارلیغی توکهنینجه اؤلدورمک اوزریکن پادشاه اونلارا، چوخ یاخشی خالی توخودوغونو و ائدجگی خالچالارین ان آز بیر خزینه قدر پول ائدجگینی سؤیلهییر.
قبول ائدرلر و اونا بیر دزگاه قوروب خالچا دوخوماسینی ایستیرلر.
پادشاهین توخودوغو خالچالار بازاردا ان یوکسک قیمتله آلیجی تاپیر.
بو وضعیته سئوینن قولدورلار گئجه-گوندوز محبوس پادشاهین خالی توخوماسینی ایستیرلر.
هر خالی بیر دیگریندن داها یوکسک قیمتله ساتیلیر.
سونوندا بیر گون پادشاه، رمزلی بیر شکیلده بیر خالییا هارادا اولدوغونو، کیملرین اونو گیروو آلدیغینی و نئچه آدام اولدوقلارینی توخور.
خالی بازارا گئدینجه پادشاهین آداملاریندان بیری اوندا بیر مساژ اولدوغونو گؤرور و درحال او خالچانی ساتین آلیر.
پادشاهین قروپو ایله بیرلیکده اوتوروب او رمزلری حل ائدیر و پادشاهین هارادا اولدوغونو اؤیرهنین.
همن حاضیرلیق ائدیب گئدیب اونو قورتارارلار.
پادشاهی تکرار گتیریب تاختینا اوتورتورلار.
ساده بیر ال باجاریغی بئله بیر پادشاهین تاختینی قورتارماغا وسیله اولا بیلیر.
ایشده آنادولوداکی بیر چوخ یئرلی رهبرلیک بو منتیقله اینسانلارا حیاتلارینی قازاناجاق ال باجاریقلاری قازاندیراجاق تحصیللر وئرمکدهدیر.
ماکرو اؤلچوده معلوماتلاردا گؤرونمین اما تأثیری بؤیوک اولان بو و بنزری مدنی دینامیکلر تورکیهدکی ایشسیزلیک نیسبتینی دنگلمکده و اکونومینی گوجلو ائتمکدهدیر.
کونیا کاراتای اونیورسیتهسی سوسیال و اینسانی علملر فاکولتهسی سوسیولوژی بؤلومو پروفسور دوکتور مظار باغلینین قیمتلندیرمهسینی تقدیم ائتدیک ...