جمهورباشقانی علییئو: ارمنیستانی سیلاحلاندیریرلار
"فرانسا، هیندیستان و یونانیستان، ارمنیستانی بیزه قارشی سیلاحلاندیریر. بونو آچیقجا ائدیرلر و حتی بیزه بیر شئیلر اثبات ائتمه‌یه چالیشیرلار"
آذربایجان جمهوریتی جمهورباشقانی ایلهام علییئو، فرانسا، هیندیستان و یونانیستانین، ارمنیستانی اؤلکه‌سینه قارشی سیلاحلاندیردیقلارینی ایفاده ائد‌رک،
"بیزه قارشی جدی تهدید گؤرسک جدی تدبیرلر آلماق مجبوریتینده قالاجاغیق" دئدی.
ایلهام علییئو، باشکند باکیداکی آدا اونیوئرسیته‌سینده تشکیل ائدیله‌ن "کوپ۲۹ و آذربایجان اوچون یاشیل ویزیون" باشلیقلی اولوسلارآراسی فوروما قاتیلاراق دانیشدی، سواللاری جاوابلادی.
ارمنیستانلا باریش رآنلاشماسی ایمضالانماسی اوچون یئریدیله‌ن مذاکیره‌لره توخونان علییئو، "باریش آنلاشماسی ایمضالانماسینا هئچ بیر زامان اولمادیغی قدر یاخینیق. یالنیز آیرینتیلاری حل ائتمه‌میز لازیمدیر. اما البته هر ایکی طرفین ده زامانا احتیاجی وار" دئیه دانیشدی.
ارمنیستانین یئنی سلاحلار الده ائتمه‌سینه ده توخونان علییئو، "فرانسا، هیندیستان و یونانیستان، ارمنیستانی بیزه قارشی سیلاحلاندیریر. بونو آچیقجا ائدیرلر و حتی بیزه بیر شئیلر اثبات ائتمه‌یه چالیشیرلار. بیز ده اوتوروب گؤزله‌یه‌بیلمریک. بو توتوموموزو ارمنی حکومتینه و بو گون ارمنیستانا صاحب چیخماغا چالیشان طرفلره آچیقجا چاتدیردیق. بیزه قارشی جدی تهدید گؤرسک جدی تدبیرلر آلماق مجبوریتینده قالاجاغیق" شکلینده دانیشدی.
علییئو، تورکییه-آذربایجان ایلیشکیلرینه دایر ایسه بونلاری سؤیله‌دی:
"تورکیه-آذربایجان بیرلیگی، بؤلگه‌سل گوونلیک و ثابیتلیگین اؤنملی معیاریدیر. تورکیه ایله ارمنیستان آراسینداکی یاخینلاشما و آذربایجان ایله ارمنیستان آراسینداکی نورماللاشما پارالل ایجرا ائدیلمه‌لیدیر".
ایلگیلی‌لی خبرلر
ییلماز:"تورکیه-اؤزبکیستان تیجارت حجمینده هدفه یاخین‌لاشیریق"
تورکیه-اؤزبکیستان تیجارت حجمینده 5 میلیارد دو‌لارلیق هدفه یاخین‌لاشیریق.
