قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوه‌سینده دؤولتین مولکیتینه گئچمیشدی
قیرقیزیستان دؤولت مولکو یؤنه‌تیم آژانسی، اکتبر آییندا اؤلدوروله‌ن سوچ دونیاسینین اؤنملی آدلاریندان کامچی‌بک کولبایئو و گؤمروک خیدمتی اسکی باشقان کؤمکچیسی راییم‌بک ماترایمووون آدینا ثبتلی داشینماز ماللاری آچیق آرتیرمادا ساتماغا باشلادی.
سؤز و گئدن املاک، متشکیل سوچلار و فسادلا موباریزه چرچیوه‌سینده دؤولتین مولکیتینه گئچمیشدی.
آچیق آرتیرمادا ساتیلان ۱۰ داشینماز بیشکئک، اوش، جلال آباد و چوی شهر و بؤلگه‌لرینده‌دیر. ساتیشا چیخاریلان مولکون توپلام باشلانغیج قیمتی ۵۵۶ ۳۰۹ ۳۰۰ سوم یعنی ۶،۲۴ میلیون دلار. ساتیلانلار آراسیندا ائولر، اراضیلر و تیجاری املاک وار.
ساتیلان ان باهالی گداشینماز چولپان-آتادا اولان ۳۹۹ دؤنوملوک تعطیل و دینله‌نمه ساحه‌سی (باشلانغیج قیمتی ۱،۶ میلیون دلار)، اوشدا هله ده تیکیم حالیندا اولان توپلو ائولر ۱۴۰۰ مربع مترلیک املاک (باشلانغیج قیمتی ۱،۶۸ میلیون دلار)، آیریجا چوی بؤلگه‌سینده اینشات ایجازه‌سی اولان ۵۳ دؤنوملوک اراضی (باشلانغیج قیمتی ۱،۰۳ میلیون دلار).
آیریجا قیرقیزیستان دؤولت مولکو یؤنه‌تیم آژانسی باشقانی کامچی‌بک تاشیئو، "پارلمانین فسادا بولاشان شخصلردن تمیزله‌نمه‌سی سۆره‌جینین داوام ائتدیگینی" بیلدیردی.
ایلگیلی‌لی خبرلر
ییلماز:"تورکیه-اؤزبکیستان تیجارت حجمینده هدفه یاخین‌لاشیریق"
تورکیه-اؤزبکیستان تیجارت حجمینده 5 میلیارد دو‌لارلیق هدفه یاخین‌لاشیریق.
