روسیه حربی بیرلیکلری قاراباغی ترک ائتمه‌یه باشلاییب
دیمیتری پسکوو آزربایجانین قاراباغ بؤلگه‌سینده یئرلشدیریلن روسیه حربی بیرلیکلرینین گئری چکیلمه‌یه باشلاماسی خبرینین دوغرولاییب
روسیه پرزیدنت سارایینین مطبوعات کاتیبی دیمیتری پسکوو بیلدیریب کی، روسیه صولح قووه‌لرینین قاراباغدا یئرلشدیریلن قوشونلاری بؤلگه‌نی ترک ائتمه‌یه باشلاییب.
دیمیتری پسکوو پایتخت مسکودا گوندم ایله باغلی ژورنالیستلرین سئواللارینی جاوابلاندیریب.
آزربایجانین قاراباغ بؤلگه‌سینده یئرلشدیریلن روسیه حربی بیرلیکلرینین گئری چکیلمه‌یه باشلاماسی خبرینین دوغرو اولوب-اولماماسی ایله باغلی سئوالا پسکوو ”بلی، حقیقتا بئله‌دیر“ دئییب.
27 2020-جی ایلده باشلایان و 44 گون داوام ائدن 2-جی قاراباغ ساواشی آذربایجان، ارمنیستان و روسیه لیدرلرینین 2020-جی ایل نوامبر10-دا اوچلو بیاننامه‌سی ایله باشا چاتیب.
بیاننامه‌یه اساساً، قاراباغدا ارمنی اهالیسی اولان یاشاییش منطقه‌لرینین و لاچین دهلیزی اولاراق تانینان خانکندی-لاچین یولونون تهلوکه‌سیزلیگینی تامین ائتمک اوچون بؤلگه‌یه 1960 عسگردن عیبارت ”روسیه صولح قووه‌لری“ آدلانان روس قوشونلاری یئرلشدیریلیب. بئش ایل مودتینه یئرلشدیریلن ”روسیه صولح قووه‌لری“نین صلاحییت مودتینین 2025-جی ایل نوامبرین 10-دا باشا چاتاجاغی گؤزلنیلیردی.
