آلتون: تۆرک‌لوگه سالدیری ایدی
"قاراباغ تورپاقلاری آزاد ائدیله‌نده ماهیتاً بو یالنیز آذربایجانین دئییل، تۆرکیه‌نین دئییل، تۆرک دونیاسینین بیر ظفری ایدی"
جمهورباشقانلیغی ایله‌تیشیم باشقانی فخرالدین آلتون، ایستانبول‌دا قاراباغ ظفرینین ۲.جی ایل‌دؤنومو موناسیبتی ایله تشکیل ائدیله‌ن "بیر میللت بیر ظفر" پروگرامینا قاتیلدی.
بو ایشغالین اصلین‌ده بیر میللته قارشی بؤیوک بیر سالدیری اولدوغونو وورغولایان آلتون،
"تۆرک‌لوگه سالدیری ایدی، مسلمانلیغا سالدیری ایدی. شوشا آزاد ائدیله‌نده، قاراباغ تورپاقلاری آزاد ائدیله‌نده ماهیتاً بو یالنیز آذربایجانین دئییل، تۆرکیه‌نین دئییل، تۆرک دونیاسینین بیر ظفری ایدی. بو ظفر حمد اولسون قازانیلمیشدیر و بو گون بیز بو ظفرین ایکینجی ایل‌دؤنومونو شانلا شرفله قوتلاییریق" دئدی.
ارمنیستانین حقوق دیشی ایشغالینین ۳۰ ایل بویو دونیانین گؤزو قارشیسیندا باش وئردیگینی قید ائد‌ن آلتون، آذربایجان و تورکیه‌نین بو ایشغالا دقت چکمک و آرادان قالدیرماق اوچون بوتون اولوسلارآراسی پلتفورملاردا جانلا باشلا موباریزه آپاردیغینی، دیپلماسینین بوتون ایمکانلاریندان ایستیفاده ائتدیگینی بیلدیردی.
