تورکیه-آذربایجان طبیعی گاز موقاویله‌سی و تورکمن گازی
آذربایجانین ایقتیصادیات ناظیری جباروو تورکیه-آذربایجان امکداشلیغینین اوروپانین انرژی تهلوکه‌سیزلیگینه تحفه وئردیگینه دقته چاتدیریب
تورکمنیستان طبیعی گازینین آذربایجان و گورجوستان اوزریندن تورکیه‌یه نقلینه دایر راضیلیق الده اولونوب.
انرژی و طبیعی ثروتلر ناظیری آلپ‌ارسلان بایراکتار آذربایجانین ایقتصادیات ناظیری میکاییل جباروو ایله ایستانبولدا طبیعی گاز ساحه‌سینده تورکیه-آذربایجان امکداشلیق سازیشی ایمضالانماسی مراسیمینده ایشتیراک ائدیب.
مراسیمدن سونرا تشکیل ائدیلن مطبوعات کونفرانسیندا چیخیش ائدن بایراکتار ایکی اؤلکه‌نین بو گونه قدر بیر چوخ لایحه‌نی بیرگه اینکیشاف ائتدیردیگینی بیلدیریب و،
"باکی-تفلیس-جیجان خام نفت خطی خزر بؤلگه‌سیندن و قافقاز بؤلگه‌سیندن نفتین، خصوصا ده آذربایجان نفتینین تورکیه‌یه و تورکیه واسیطه‌سیله دونیا بازارلارینا چاتدیریلماسی اوچون بؤیوک اهمیته صاحیبدیر. بو، دونیا نفت بازاری اوچون، سؤزون آچیغی، دونیا نفت تداروکونون بالانسلاشدیریلماسی اوچون چوخ واجیب لاییحه‌دیر." دئدی.
ایکی اؤلکه‌نین باکی-تفلیس-ارضروم طبیعی گاز بورو خطینی و ترانس-آنادولو طبیعی گاز بورو خطی لاییحه‌سینی (تاناپ) اینکیشاف ائتدیردیگینی خاطیرلادان بایراکتار بئله داوام ائتدی: "خوصوصیله‌ده بو گون ایمضالادیغیمیز موقاویله ایله طبیعی گاز ساحه‌سینده علاقه‌لریمیز یئنی اؤلچویه چاتیر.٫...٫ بو راضیلاشما چرچیوه‌سینده 2030-جو ایله قدر آذربایجان قایناقلارینین، طبیعی گازین و خزر قایناقلاریندان طبیعی گازین علاوه گاز حجملرینین تورکیه‌یه چاتاجاغینی، طبیعی گازین بیر حیصّه‌سینین ایسه تورکیه اوزریندن اوروپایا چاتاجاغینی پلانلاشدیردیق. بوندان علاوه، بو راضیلاشما نتیجه‌سینده تورکمنیستان طبیعی گازینین آذربایجان و گورجوستان اوزریندن تورکیه‌یه نقلی ایله باغلی راضیلیغا گلدیک".
انرژی ناظیری بایراکتار آذربایجانین ناخجیوان موختار جمهوریتینه طبیعی گاز چاتدیراجاق ایغدیر-ناخجیوان طبیعی گاز بورو خطینین تورکیه و آذربایجانین بیرگه اینکیشاف ائتدیردیگی بورو خطلرینه یئنی «قارداش» اولدوغونو ایفاده ائده‌رک، "اینشاالله بو قیش، ناخجیوانین طبیعی گازی تورکیه اوزریندن نقل اولوناجاق. بیز بو خطی تئز بیر زاماندا ایستیفاده‌یه وئرمه‌یی پلانلاشدیریریق." دئدی.
آذربایجانین ایقتیصادیات ناظیری جباروو تورکیه-آذربایجان امکداشلیغینین اوروپانین انرژی تهلوکه‌سیزلیگینه تحفه وئردیگینی ده دقته چاتدیریب.
ایغدیر-ناخجیوان بورو خطینین اهمیتینه توخونان جباروو بو بؤلگه‌یه گؤندریله‌جک طبیعی گازلا هم ناخجیوانین انرژی تهلوکه‌سیزلیگینین، هم‌ده تورکیه-آذربایجان قارداشلیغینین گوجلنه‌جَیینه دقت چکیب.
