چؤکه‌ن بینادا اؤلو ساییسی ۵۳ اولدو
۲۹ آوریل‌ده چؤکه‌ن بینانین ییخینتیسیندا بیر هفته‌دیر داوام ائد‌ن قورتارما ایشلرینین نتیجه‌لندیگی ایفاده ائدیلدی
1823162
چینین هونان ایالتینین مرکزی چانگ‌شا شهرینده چؤکه‌ن بینادا ۵۳ نفر حیاتینی ایتیردی، ۱۰ نفر قورتاریلدی.
یئرلی یؤنتیمدن وئریله‌ن آچیقلامادا، ۲۹ آوریل‌ده چؤکه‌ن بینانین ییخینتیسیندا بیر هفته‌دیر داوام ائد‌ن قورتارما ایشلرینین نتیجه‌لندیگی ایفاده ائدیلدی.
ییخینتی آلتیندا قالان بوتون شخصلره چاتیلدیغینین بیلدیریلدیگی آچیقلامادا، جان ایتکیسینین ۵۳ نفره چیخدیغی ایفاده ائدیلدی.
سیراغا گون گئجه ساعاتلاریندا بیر نفر ییخینتیدان ۱۳۲ ساعات سونرا قورتاریلمیشدی.
قورتاریلان قادین، ییخینتیدان ساغ چیخاریلان اونونجو نفر اولموشدو.
تخمیناً ۸ میلیون جمعیتی اولان چانگ‌شانین وانگ‌چینگ ائلچه‌سینده ۷۰۰ مربع مترلیک ساحه‌یه قورولو چوخ قاتلی بینا ۲۹ آوریل‌ده چؤکموشدو.
بینانین چؤکمه‌سیندن مسئول اولدوقلاری سببی ایله آرالاریندا بینا صاحبینین ده اولدوغو ۹ نفر توتوقلانمیشدی.
