قازاقیستاندا ایقلیم بحرانی
کورهسل ایستیلشمهنین خزر دنیزی اوچون ده تهلوکه اولوشدوردوغو بیلدیریلیر
قازاقیستاندا، کورهسل ایقلیم دییشیکلیگی بو ایل هئچ یاغیش آلمایان بعضی بؤلگهلرده مینلرجه حیوانین اؤلمهسینه، اکینچیلیک ساحهلرینین قوروماسینا یوب آچدی.
اؤلکهنین گونئی و باتی کسیملرینده ۱۷۸ مین هکتار تاخیل ساحهسی قورودو، ۲ مین دولاییندا حیوان اؤلدو.
بؤلگهدهکی ایقلیم دییشیکلیگینه دایر چالیشمالار یئریدن چئوره بیلیمچی اورینباسار توگجانوو، مانگیس تائو ایالتینده یاغیشلارین هر ایل آزالان بیر گرافیکی اولدوغونا ایشاره ائتدی.
کورهسل ایستیلشمهنین خزر دنیزی اوچون ده تهلوکه اولوشدوردوغونا ایشاره ائدن توگجانوو، قازاقیستانداکی یاغیشلارین یوزده ۹۰ینین ایسه اطلس اقیانوسوندان گلدیگینی بیلدیررهک،
"سون ایللرده کورهسل ایستیلشمه سببیله قوزئی بوز دنیزی ایله گرینلندین بوزلاری سرعتلی بیر شکیلده اریییر. بو وضعیت اطلس اقیانوسونداکی بوخارلاشمانین آزالماسینا سبب اولور. بئلهجه بیزه گلهجک یاغیشلار دا آزالیر. اگر انساناوغلو هیدروکاربون ایستیفاده ائتمهنی دوردورمازسا و مئشه ساحهلرینی سرعتله چوخالتمازسا اونلارجا ایلده یئر اوزونده حیات چتینلشهجک" دئدی.
بیرلشمیش ملتلرین "قوراقلیقلا مبارزهده بؤلگهسل یاناشما" پروژهسی متخصصلری، اورتا آسیا تورپاقلارینین بؤیوک بیر قیسیمینین قوراقلیق ریسکی داشیدیغینا دقت چکیر.
حمعیتینین سون ۶۰ ایلده هاراداسا اوچ قاتینا چیخدیغی و شهرلشمهنین سرعتله آرتدیغی اورتا آسیادا عینی زاماندا اکینچیلیک رتماسی دا بوتون بؤلگهده سو قایناقلاری داخیل طبیعی اکوسیستمی تهدید ائدیر.
متخصصلر، اورتا آسیا دؤولتلری آراسیندا قوراقلیق یؤنتیمینه باغلی اورتاق بؤلگهسل استراتژی تعیین اولونماسی و قوراقلیقلا بیرلیکده مبارزه ائدیلمهسی لازیم اولدوغونو وورغولاییر.