اولوسال فاجعه اعلان ائدیلدی
گونده ۵۰ لیتردن چوخ سو ایستیفاده ائدن ائولره آغیر جزالار وئریلیر
گونئی آفریقانین بعضی ایالتلرینده، قوراقلیق ندنی ایله اولوسال فاجعه اعلان ائدیلدی.
دؤولت باخانی باتی کیپ ایالتینین سدلریندهکی سویون بیتمه نقطهسینه گلدیگینی، بعضی ایالتلرده ده سو سیخینتیسینین باش وئردیگینی بیلدیردی.
قوراقلیغین میلی فاجعه کاتگوریسینده دگرلندیریلمهسینه قرار وئریلدیگینی بیلدیرهن روین، حکومتین قوراقلیقدان قورتولماق اوچون ۷۰ میلیون راند (۲۲ میلیون لیرا) بودجه آییردیغینی قید ائتدی.
روین،
"حوکومتیمیز قوراقلیغی میلی فاجعه اعلان ائدرک، قوراقلیقدان اؤلکه میقیاسیندا قورتولماق اوچون بوتون ایمکانلاری سفربر ائتمیشدیر. سو قناعتی اوچون گؤرولن تدبیرلر داها دا آرتیریلاراق محتمل فاجعهلرین قارشیسینی آلماغا چالیشاجاقدیر" دئدی.
دیگر طرفدن، قوراقلیغین ان شدتلی حس ائدیلدیگی یئر اولان باتی کیپ ایالتینین سو آنبارلارینداکی دولولوق نیسبتینین ۲۴% سوییهسینده اولدوغو، سو نسبتی یوزده ۱۳ مقدارینا گئریلهدیگینده سو بورولارینین قاپادیلاجاغی بیلدیریلدی.
اکینچیلیک ساحهلرینه وئریلن سویون بؤیوک اؤلچوده آزالتیلدیغی ایالتده، گونده ۵۰ لیتردن چوخ سو ایستیفاده ائدن ائولره آغیر جزالار وئریلیر.