تورکیه-‌نین فیندیق صادراتی

تورکیه 2020-جی ایلین سپتامبریندا باشلایان فیندیق صادراتی مؤوسومونون 8 آییندا 208 مین 779 تون فیندیق صادراتیندان تخمینن 1،5 میلیارد دو‌لار قازاندی.

قارا دنیز فیندیق و محصول‌لاری صادراتچیلار بیرلیگی‌نین (KFMİB) صدری الیاس ائدیپ سئوینچ یازیلی آچیقلاماسیندا 1 سپتامبر 2020 و 30 آوریل 2021 دؤورونده 208 مین 779 تون فیندیق صادر ائدیلدیگینی بیلدیریب.

سئوینچ بو صادراتدان 1 میلیارد 472 میلیون 139 مین 388 دو‌لار گلیر الده ائدیلدیگینی وورغولاییب.