تورکیه ایلین ایلک ربعونده 2 مین 133 تن بال ایخراج ائدیب

تورک بالی بو ایلین ایلک ربعونده 38 اؤلکه‌ده آلیجی تاپیب.

دوغو قاراد‌نیز ایخراجاتچیلار بیرلیگینین معلوماتلارینا گؤره، دونیا بال ایستحصالیندا چین‌دن سونرا ایکینجی، ایخراجاتدا ایسه 16-جی یئرده اولان تورکیه ایلین ایلک ربعونده 2 مین 133 تن بال ایخراج ائدیب. سؤزوگئدن خاریجی ساتیشلاردان 8 میلیون 187 مین 58 دولار منفعت الده ائدیلدی.

بال ایخراجاتیندا 2 میلیون 477 مین 57 دولارلا آمریکا بیرینجی اولدو. بو اؤلکه‌نی 2 میلیون 38 مین 698 دولارلا آلمان و 538 مین 628 دولارلا اسپانیا ایزله‌دی.

ایلین بیرینجی ربعونده 2023-جو ایلین عینی دؤوروندن فرقلی اولاراق، بال کانادا، ونزوئلا، فیلیپپین، چک، فرانسه، آلبانی، نپال، سوئیس و مراکشه ‌ده ساتیلیب.