ایستانبولا ایلین ایلک ۲ آییندا ۲ میلیوندان چوخ قوناق گلدی
تورکیهیه ایلک ۲ آیدا گلن ۴ میلیون ۳۴۱ مین ۶۰۶ خاریجی قوناغین یاریسینی آغیرلایان ایستانبولو، فوریه آییندا ان چوخ روسلار ترجیح ائتدی
2120569
تورکیهنین توریزمده اؤنده گلن شهرلریندن ایستانبول، ایلین ایلک ۲ آییندا ۲ میلیون ۴۵۷ مین ۵۱۸ خاریجی قوناغی آغیرلادی.
کۆلتور و توریزم باخانلیغیندان وئریلن آچیقلامایا گؤره، ایستانبولا ژانویه و فوریه آیلاریندا گلن خاریجی قوناق ساییسی، بیر اؤنجهکی ایلین عینی دؤنمینه گؤره یوزده ۸،۰۸ آرتدی.
تورکیهیه ایلک ۲ آیدا گلن ۴ میلیون ۳۴۱ مین ۶۰۶ خاریجی قوناغین یاریسینی آغیرلایان ایستانبولو، فوریه آییندا ان چوخ روسلار سئچدی.
ایستانبولا فوریه آییندا روسیا فدراسیونوندان ۱۳۸ مین ۹۵۷، آلمانیادان ۹۵ مین ۴۶۵، ایراندان ۷۵ مین ۳۱۲، اینگیلترهدن ۵۶ مین ۴۳۰، فرانسادان ۴۸ مین ۹۰۲، سعودی عربیستاندان ۴۳ مین ۴۱۵ و آمریکا بیرلشمیش دؤولتلریندن ۴۱ مین ۴۷۲ نفر گلدی.