۲۳ آوریل اوشاق شنلیگی فعالیتلری داوام ائدیر
فعالیت، قوناق اؤلکه‌لرین بایراقلاری، تورک بایراقلاری و اولو اؤندر غازی مصطفی کمال آتاتورک پورتره‌سی داشییان اوشاقلارین گئچید یوروشو ایله باشلادی
ت‌رت ۴۶.جی اولوسلارآراسی ۲۳ آوریل اوشاق شنلیگی اوچون دونیانین دؤرد بیر طرفیندن تورکیه‌یه گلن اوشاقلار، اؤلکه‌لرینین یئرلی رقص گؤستریلرینی سرگیله‌دی.
باشکند میللت باغچاسیندا تشکیل ائدیله‌ن فعالیتده، ۲۹ اؤلکه‌دن گلن اوشاقلار، آنکارالی اوشاقلارلا بیر آرایا گلدی.
فعالیت، قوناق اؤلکه‌لرین بایراقلاری، تورک بایراقلاری و اولو اؤندر غازی مصطفی کمال آتاتورک پورتره‌سی داشییان اوشاقلارین گئچید یوروشو ایله باشلادی.
یئرلی رقصلر سرگیله‌ین اوشاقلارین گؤستریلری، ساحه‌ده‌کی ایزله‌ییچیلر طرفیندن چوخ بگه‌نیلدی.
فعالیتده دانیشان ت‌رت باش مودورو محمد زاهید سوباجی، بو بایرامی ۱۹۷۹دان بو گونه قدر روحونا یاراشیر بیر شکیلده، حاقییلا ت‌رت اولوسلارآراسی اوشاق شنلیگی آدییلا قوتلاماغا چابا گؤستردیکلرینی سؤیله‌دی.
بو مدتده دونیا اوشاقلارینین آراسیندا سئوگینین، باریشین، دوستلوغون گلیشمه‌سی اوچون چوخ بؤیوک چابا صرف ائتدیکلرینی ایضاح ائد‌ن سوباجی،
"عینی زاماندا شنلیگیمیز، تورکیه‌نین تانیتیمینا دا چوخ بؤیوک بیر قاتقی وئریر. داها دا اؤنملیسی تورک مدنیتینین و قوناق‌سئورلیگینین دونیا اوشاقلارینین ذهنینده و اوره‌گینده یئرلشمه‌سینده آراچیلیق ائدیر. ۴۵ اوشاق شنلیگی گئرچکلشدیردیک. بو شنلیکلریمیزه ۴۵ ایلده، ۱۲۵ اؤلکه‌دن ۳۰ مینین اوزرینده اوشاق، لیدئر و مطبوعات منسوبو قاتیلدی. بو ایل، ۴۶.جیسینی تشکیل ائتدیگیمیز شنلیگیمیزین شعاری 'دونیا اوشاقلاری باریش اوچون ال اله' اولاراق معین ائتدیک" دئدی.
سوباچی، بو شنلیکده ۲۹ اؤلکه‌دن ۵۰۰ اوشاغین آغیرلاندیغینا، فیلیسطینین دعوت ائدیلمه‌سینین ده بو شنلیگی چوخ داها معنالی ائتدیگینه دقت چکه‌رک،
"اؤزللیکله ده شعارینی دوشوندوگوموزده فیلیسطینین شرف قوناغی اولاراق دعوت ائدیلمه‌سی بیزلر اوچون چوخ معنالی. اصلینده دونیا اوشاقلارینین هر بیری، هر بیر گونو اوچون بو بایرام سئوینجینی یاشاسین. آنجاق بیلدیگینیز کیمی بو آندا فیلیسطینده بئله بیر وضعیت یوخ" دئیه دانیشدی.
ایلگیلی‌لی خبرلر
آماسرا بؤلگه‌سینه گلن کروز گمیسی و توریست سایی آرتیب
بؤلگه‌یه گلن گمیلرین سایینین آرتماسی ایله بو ایل توریست سایینین 60 مینه چاتاجاغی گؤزلنیلیر
