"تورکیه کولتور یولو فستیوالی" جاری ایل 16 شهرده کئچیریلهجک
مدنیت و توریزم ناظیری محمت نوری ارسوی ایستانبول-دا کئچیریلهجک "تورکیه کولتور یولو فستیوالی"نین تفررواتلارینی آچیقلاییب.
مدنیت و توریزم ناظیری محمت نوری ارسوی ایستانبول-دا کئچیریلهجک "تورکیه کولتور یولو فستیوالی"نین تفررواتلارینی آچیقلاییب.
8 آیا یاییلاجاق فستیوال چرچیوهسینده 6 میندن چوخ تدبیر تشکیل اولوناجاق.
"کولتور یولو فستیوالی"نین دونیادا اوخشاری اولمادیغینی بیلدیرن ناظیر ارسوی "تورکیه-ده فستیوال آب-هاواسینی یاشاداجاغیق" دئییب.
بؤیوک تدبیرده رکورد سایدا صنعتچینین قاتیلاجاغینی ایفاده ائدن ارسوی بیلدیریب کی، 2023-جو ایلده فستیوالا قاتیلان صنعتچی لرین سایی 34 مینه چاتیب. بو ایل هدفیمیز 40 مین صنعتچیدیر.
ناظیر محمت ارسوی "بو ایل 13-21 آوریل تاریخلرینده آدانادا پرتغال چیچگی کارناوالی ایله بیرلیکده "تورکیه کولتور یولو فستیوالی"نی باشلایاجاغیق. 2-10 نوامبر تاریخلرینده آنتالیادا بو بنزرسیز مدنیت-صنعت مارافونونو باشا ووراجاغیق" دئییب.
مدنیت و توریزم ناظیری بو ایل فستیوالین ان مهم عنصورلاریندان بیرینین پابلو پیکاسونون اولاجاغینی آچیقلاییب:
"اساس قوناغیمیز اولاراق، 80-دن چوخ اوریژینال اثرین یئر آلدیغی تأثیرلی پیکاسونون سرگیسینه ائو صاحیبلیگی ائدجییک و 3 آی عرضینده موختلیف شهرلردهکی صنعتسئورلرله بیر آرایا گتیرهرک منحصر به فرد تجروبه تقدیم ائدجییک".
بوندان باشقا بیر چوخ دونیا شؤهرتلی آدلارین اثرلری فستیوالا رنگ قاتاجاق.
بو ایل 600-دن چوخ مکاندا تدبیرلر کئچیریلهجک.
دؤولت اوپرا و بالهنین مشهور آنادولو افسانهسینه اوپرا ایله حیات وئردیگی "شاهمران" دا ایلک دفعه نوماییش اولوناجاق.