شاعر مایا آنجلو آدینا سکه ضرب ائدیلدی

آمریکالی شاعر مایا آنجلو، سکه اۆزرینه ضرب ائدیلن ایلک آفریقا کؤکه‌نلی قادینی اولدو.

بی‌بی‌سی‌‌نین خبرینه گؤره، آمریکا خزانه‌سی، شاعر مایا آنجلو آدینا ۲۵ سنت‌لیک سکه‌لر ضرب ائتدی.

بو سکه‌لرین دولاشیما چیخماسی ایله تاریخ‌ده ایلک دفعه اولاراق آفریکا کؤکه‌نلی بیر قادینین آدینی داشییان سکه ضرب ائدیلمیش اولدو.

شاعر و فعال مایا آنجلو، بیل کلینتونون ۱۹۹۳.جو ایلده‌کی باشقانلیق اند ایچمه تؤره‌نینده، یازدیغی شعری اوخویان ایلک آفریکا کؤکه‌نلی قادین اولدو.

"امریکن وومین کورترز" پروگرامی چرچیوه‌سینده، آسترونوت، قبیله باشقانی و اویونچو دا داخیل اؤنچولوک ائتمیش دیگر قادینلار اوچون ده سکه‌لرین کسیلمه‌سی پلانلاشدیریلیر.

اجتماعی فعال، شاعر و یازیچی مایا آنجلو، ۲۰۱۴.جو ایلده ۸۶ یاشین‌دا وفات ائتدی.