۱۵۰ مین یاشینداکی بزک اشیاسی سرگیله‌ندی
۱۵۰ مین ایل اؤنجه‌سینه تاریخلنه‌ن ۳۲ پارچا دنیز قابیغین‌دان اولوشان کلکسیون، مراکش مدنیت و ارتباط باخانلیغی طرفین‌دن تانیدیلدی
مراکش‌ده ایکی آی اؤنجه کشف ائدیله‌ن "دونیانین ان اسکی زینت اشیاسی" باشکند رباط‌داکی تاریخی شله بؤلگه‌سین‌ده سرگیله‌نمه‌یه باشلادی.
آمریکالی و مراکش‌لی بیلیم اینسانلارینین، سپتامبر آییندا مراکشین باتیسین‌داکی صویره شهری یاخینلارین‌داکی بیزمون ماغاراسین‌دا کشف ائتدیگی، قورودولاراق شکیل وئریلمیش ۱۵۰ مین ایل اؤنجه‌سینه تاریخلنه‌ن ۳۲ پارچا دنیز قابیغین‌دان اولوشان کلکسیون، مراکش مدنیت و ارتباط باخانلیغی طرفین‌دن تانیدیلدی.
رباط‌داکی میللی آرکئولوژی و میراث انستیتوسون‌دا مراکش تاریخی آلترناتیو قایناقلار لابوراتور مودورو عبدالجلیل بوزوغار، سرگی چرچیوه‌سین‌ده تشکیل ائدیله‌ن مطبوعات کنفرانسین‌دا کشفله باغلی بیلگی وئردی.
بوزوغار، انسان‌اوغلونون ۱۵۰ مین ایل اؤنجه دنیز کنارین‌دان ییغدیغی دنیز قابیقلارینی دله‌رک، دمیر اوکسید باخیمین‌دان زنگین قیرمیزی بیر ماده ایله رنگلدیگینی ایفاده ائتدی.
بو دنیز قابیقلارینین و ایلبیزلرین/حلزونلارین یالنیز زینت اشیاسی اولاراق دئییل اینسانلار آراسی ارتباط اوچون ده ایستیفاده ائدیلدیگینه دقتی چکه‌ن بوزوغار، کشف سایه‌سین‌ده واردیقلاری نتیجه‌لرله باغلی،
"بو کشفله اورتایا چیخان نتیجه‌لردن بیری سمبول اولقوسودور. بو دنیز قابیقلارینین، بزک اشیاسینین یانی سیرا سمبول اولاراق دا ایستیفاده ائدیلمه‌سی، دیلین وارلیغینا ایشاره ائتمک‌ده‌دیر. چونکو سیمگه‌لرین ایستیفاده ائدیلمه‌سی اوچون بیر دیلین اولماسی لازیم‌دیر. بو باخیم‌دان، بو کشفی، دیللرین اورتایا چیخیشییلا ایلیشکیله‌ندیره‌بیلریک" دئدی.
بوزوغار،
"اینسانلار اؤز حیات ساحه‌لرین‌دن ۵۰ کیلومتر قدر اوزاق‌دان عینی نؤوعدن قابیقلاری ییغیب گتیریرسه بو، او اینسان قروپلاری آراسین‌دا اورتاق مخرجلر اولدوغونو، عایدیتلر و کیملیکلرین اولوشدوغونو گؤسترر" دئدی.
