ون گوگون بیلینمه‌ین بیر اثری رکورد قیمته ساتیلدی
مزایده ائوی ساتبیز، ونسان ون گوگون اثرلریندن 'مونتمارترده‌کی کوچه گؤرونتوسو' آدلی تابلوسونو آچیق آرتیرمایا چیخاردی
مشهور هلندلی ر‌سام ونسان ون گوگون 'مونتمارترده‌کی کوچه منظره‌سی' آدلی اثری ۱۳ میلیون ۹۱ مین یورویا ساتیلدی.
اولوسلارآراسی مزایده ائوی ساتبیز، فرانسانین باشکندی پاریس‌ده جان‌لی اولاراق یایینلانان بیر مزایده ایله ونسان ون گوگون اثرلریندن 'مونتمارترده‌کی کوچه گؤرونتوسو' آدلی تابلوسونو آچیق آرتیرمایا چیخاردی.
اثرین ۵ ایله ۸ میلیون یورو آراسین‌دا ساتیلماسی گؤزلنیلسه ده، ساتبیز اثرین ۱۳ میلیون ۹۱ مین یورویا ساتیلدیغینی آچیقلادی.
آلیجینین کیم‌لیگی آچیقلانمادی.
ساتبیز، اثرین ساتیش قیمتینین صنعتچی اوچون فرانسادا بیر رکورد اولدوغونو آچیقلادی.
ون گوگون پاریس‌ده گئچیردیگی ایکی ایل بویونجا یاراتدیغی ۲۰۰دن چوخ رسم‌دن بیری اولان اثرده، بیر دییرمان، بیر کیشی، بیر خانیم و ایکی اوشاق، بیر ده یارپاق‌سیز آغاجلار وار.
'مونتمارترده کوچه گؤرونتوسو' آدلی اثر، چکیلدیگی ۱۸۸۷.جی ایلده‌ن بری بیر فرانسالی عائله‌نین کلکسیونوندا ایدی.
