گوندم آنالیز: 42
سوریه-ده سوچی پروسهسی و اس-300-لرین یئرلشدیریلمهسی
سون زامانلار سوریه ایله باغلی بیر چوخ مهم آددیملار آتیلدی. اسد رژیمی نین روسیا و ایرانین دستکی ایله ادلیبه قارشی مومکون هوجومو تورکیهنین قرارلی دوروشو ایله انگللندی و سوچی ذیروه سینده تورکیه و روسیا آراسیندا آنلاشما ایمضالاندی.
سوچی موقاویلهسی بیر طرفدن 3 میلیوندان چوخ وطنداشین یاشادیغی ادلیبی احتیمال اولونان هوجوم و اینسانی بحراندان قورودو، دیگر طرفدن روسیا و تورکیه-نین اوزرینه معین وظیفهلر قویدو. آنلاشمادا بیلدیریلدیگی کیمی، 15-20 کیلومتر ائنینده سلاحسیز لاندیریلمیش زونا یارادیلاجاق، M4 و M5 ماشین یول لاری آزاد تیجارته آچیلاجاق، تورکیه و روسیا عسگری جبهه خطینین هر ایکی طرفینده کشیک توتاجاق، هر ایکی اؤلکه پیلوتسوز اوچان آپاراتلارلا (پ.و.ا) ادلیب اوزرینده نظارت فعالیتی حیاتا کئچیرهجک.
سون گونلرین دیگر مهم حادثهسی ایسه روسیانین IL-20 طیارهسینین ایسراییلین هاوا هوجوملاری زامانی سهون سوریه هاوا مودافعه سیستملری طرفیندن سالینماسی اولدو. روسیا طیارهنین دوشمهسینه گؤره ایسراییلی قینادی، ایسراییل ایسه اسد رژیمینی ایش بیلمه مکده تقصیرلندیردی. باش وئرن حادثهیه جاواب اولاراق روسیا سوریه حکومتینه اس-300 هاوا مودافعه سیستملرینی تسلیم ائتدی.
تورکیه و روسیا آراسیندا واریلان سوچی آنلاشماسی ادلیب بؤلگهسینده هر ایکی اؤلکهنین اوزرینه بؤیوک وظیفهلر قویدو. عینی زاماندا، موقاویلهنین حیاتا کئچیریلمهسی بعضی ریسک و چتینلیکلر یارادیر، خصوصاً تورکیه اوچون.
ادلیب بؤلگهسینده هله ده ترور و آیری-آیری قروپلارین رادیکاللیغی حؤکم سورور. هئیت التحریر الشام (HTŞ) کیمی رادیکال تشکیلاتلار، سوچی موقاویلهسینده یازیلدیغی کیمی، ترک سلاح ائدیلیب فعالیتلری سونا چاتدیریلمالیدیر. بونو تامین ائتمک اوچون تورکیه بیر طرفدن لازیمی حملهلری ائدیر، دیگر طرفدن اونا یاردیم ائدن سوریه موخالیفتی واسطهسیله لازیمی تضییق گؤسترمکدهدیر.
سوچی آنلاشماسینا گؤره، سلاح سیزلاندیریلمیش بؤلگهدن سوریه موخالیفتی ده آغیر سلاحلارینی ادلیبدن گئری چکمهلی ایدی. تورکیه رسمیلرینین سعی لری ایله سوریه موخالیفتی جبهه خطیندن تانک، راکت آتار و توپلارینی ادلیبین ایچریلرینه دوغرو گئری چکدی. اما حکومتین احتیمال اولونان هوجومونا قارشی قورولان مودافعه خط لریندکی حربی وارلیقلاری - موشاهیدچی آنتی تانک راکتلر، یونگول و اورتا منزیللی، 23 و 57 میللیمئرلیک سلاحلار سلاح سیزلاندیریلمیش زونادادیر. بو باخیمدان ترک سلاح ائدیلمیش اراضی اوچون اصلینده "آغیر سلاحلاردان تمیزلندی" دئمک اولار.
روسیا و تورکیه آراسیندا ایمضالانان سوچی موقاویلهسیندن سونرا ادلیبه قارشی هاوا هوجوملارینا سون قویولوب و وطنداشین گوندهلیک حیاتی یئنیدن جانلانیب. خصوصاً، قوزیی حما کندیندن کؤچن 60 مینه یاخین سیویل یئنی ائولرینه گئری دؤنمهیه باشلاییب. تورکیه دیپلوماتیاسینین بؤیوک اوغورو 3 میلیوندان چوخ اینسانین جان و مالینی قورویور. بو دا او دئمکدیر کی، تورکیه بؤیوک بیر هومانیزم غلبهسی چالیب.
ایندی دیگر مسئلهیه کئچک. روسیا طیارهسینین دوشمهسینده ایسراییلی گوناهلاندیران سرت بیاناتلار وئردی و ماراقلی آددیم آتدی: ایسراییل و روسیا آراسینداکی گرگینلیک بحرانا چئوریلممیش سوریه حکومتینه اس-300 هاوا مودافعه سیستملرینی تسلیم ائدهرک ایسراییل-ین سوریه هاوا ساحهسیندکی دایرهسینی آزالتدی. ایسراییل اوزون زاماندیر سوریه هاوا مکانیندان ایستیفاده ائدهرک سوریه-ده کی ایران و حزب الله قروپلارینا قارشی هاوا هوجوملاری ائدیردی. چونکی بورا قدر روسیانین ایسراییل طیارهلرینه قارشی دؤوریهیه گیرمهمهسی و سوریه حکومتینین هاوا مودافعه سیستملرینین یئترسیز قالماسی ایسراییله قول-قاناد آچماغا، عملیاتلارینی آسانلیقلا حیاتا کئچیرمهیه شرایط یاراتمیشدی.
روسیانین سوریه حکومتینه اس-300 هاوا مودافعه سیستملرینی تسلیم ائتمهسی ایلک باخیشدا ایسراییله قارشی گؤرونسه ده، بوندان سونرا بو سیستم باشقا ایشلره ده یارایا بیلر. مسئلن، مومکون وضعیتده اسد رژیمی اس-300 هاوا مودافعه سیستملرینی امریکا رهبرلیگی آلتینداکی اولوسلار آراسی کوالیسیونا، هم ده تورکیه هاوا قوهلرینه قارشی ایستیفاده ائدهرک گوجلو موضع توتار. بو وضعیت نینکی ایسراییل، سوریه هاوا مکانینی ایستیفاده ائدن بوتون اویونجولارا دا تأثیر ائتمک پتانسیلینه مالیکدیر.
تورکیهنین گوندمینه دایر تحلیل پروقرامینین نوبتی بؤلومونده سیاست، ایقتیصادیات و جمعیت آراشدیرمالاری فوندونون امکداشی جان آجونون " سوریه-ده سوچی پروسهسی و اس-300-لرین یئرلشدیریلمهسی" باشلیقلی آنالیتیک یازیسینی تقدیم ائتدیک.