گوندم آنالیز: 35
ادلیب دوگونو
سوریه-ده کی بحران 2011-جی ایلدن بریدیر داوام ائدیر. بو مودت عرضینده ادلیب بؤلگهسی موخالیفتین سون قالاسی موضعینی قورویور. ادلیبله یاناشی اطرافینداکی حلبین غربی و جنوبو ایله یاناشی حما و لاذقیهنین شیمالیندا تورکمن داغلاری بؤلگهسینی احاته ائدن بو ساحه اسد رژیمینه قارشی توققوشان موخالیفتین نظارتیندکی سون بؤلگهدیر. موخالیفتین حلب و شرقی غوطه، درعا، کونیترا و حمص-ون شیمالی کیمی بؤلگهلرین نظارتینی ایتیرمهسی ادلیبدکی موجودلوغونو داها اهمیتلی حالا گتیردی. آستانا دانیشیقلاری چرچیوهسینده 3 میلیونا یاخین اهالیسی اولان ادلیب موناقیشهسیز بؤلگه اعلان ائدیلدی. تورکیهنین روسیا و ایران ایله قبول ائدیلن آستانا موقاویلهسی چرچیوهسینده یاراتدیغی 12 نظارت نقطهسی بؤلگهنین تالعی باخیمیندان اهمیتلیدیر.
ادلیب بؤلگهسیندکی موخالیفلر زامان-زامان بیر-بیرلریله توققوشور. ایدئولوژی آیریلیقلا یاناشی آرالاریندا گوج موباریزهسی ده گئدیر. بؤلگهدکی سون وضعیت چرچیوهسینده ادلیبده ایکی اساس موخالیفت جبههسیندن بحث ائتمک مومکوندور. بونلاردان بیری HTŞ آدلانان هئیتی تحریر الشام ، دیگری ایسه میللی آزادلاشدیرما جبههسیدیر. HTŞ امریکا طرفیندن ترور تشکیلاتی کیمی قبول ائدیلدیکده، میللی آزادلاشدیرما جبههسینه تورکیه دستک اولور. تحریر الشام آستانا پروسهسیندن کناردا توتولدوقدا، میللی آزادلاشدیرما جبههسی آستانا پروسئسینین بیر حیسهسی اولدو.
رژیم و متفیقلرینین بؤلگهیه موداخیله ائتمک اوچون بهانه کیمی ایرهلی سوردوکلری رادیکال قروپلار وار. تورکیه ایسه سیاسی مانورلرله بو قروپلارین آرادان قالدیریلماسی اوچون جهد گؤستریر. ادلیب آستانا پروسئسی چرچیوهسینده موناقیشهسیز بؤلگه کیمی قبول ائدیلمهسینه باخمایاراق رژیم و متفیقلری ادلیبی بیرباشا احاتهلی شکیلده هدف گؤتورهجکلرینه دایر چیخیشلارینی آرتیرماغا باشلادی. ادلیبه احتیمال اولونان حربی عملیات تورکیه جهتدن جدی تهلوکه تشکیل ائدیر. بمت-نین سوریه عذره خصوصی نمایندهسی استفان دی میستورانین آچیقلاماسیندا ادلیبده شرقی غوطه سناریسی تکرار ائدیلسه اینسانی پروبلئمین شرقی غوطه-دان آلتی قاتاده ک داها پیس اولاجاغی اورتایا قویولوب. ادلیب و اطرافینداکی عنصورلارین آرادان قالدیریلماسی تورکیهنین نظارت ائتدیگی عفرین، اعزاز، الباب و جرابلس کیمی بؤلگهلرین ده بیرباشا تهدید ائدیلمهسینه گتیریب چیخارا بیلر. بو حقیقت ده گؤزدن یاییندیریلمامالیدیر.
رژیمین موجود حربی گوجو ادلیبه قارشی احتیمال اولونان عملیاتین آنجاق روسیانین تصدیقی و عملیاتا قوشولماسی ایله مومکون اولا بیله جگینی گؤستریر. تورکیه و روسیانین سوریه ساحهسیندکی موجود موضع لری و ایکی اؤلکه آراسینداکی علاقهلر رسمی مسکوانین رسمی آنکارانی بیرباشا تهدید ائدهجک بئله بیر آددیمی آتما احتیمالینی ضعیفلهدیر. لاکین بؤلگهیه ایستیقامتلی هاوا بومباردمانلاری آستانا پروسئسینده الده ائدیلن موقاویله ایله علاقهلی اعتیمادی ضعیفلهدهرک بؤلگهدکی ثابتسیزلیگه دستک اولور. حیاتا کئچیریله بیلهجک ادلیب عملیاتی قارشیسیندا تورکیهنین پاترول نقطهلرینین بو آددیمدان یاییندیرما گوجونون گلهجک پروسئسده رژیم و رژیم طرفداری میلیسلر طرفیندن تست ائدیله بیله جگی نظرده توتولا بیلر. نتیجهده تورکیه یاراتدیغی 12 نظارت نقطهسیله بؤلگهنین قورودان هدف گؤتورولمهسینین قارشیسینی آلدی.
رژیمین ادلیبه احاتهلی بیر عملیات حیاتا کئچیرمک اوچون حربی گوجونون کیفایتسیز اولدوغو و بو چرچیوهده خصوصیله روسیا و ایراندان تامامیله آسیلی اولدوغو معلومدور. روسیانین نفوذو آلتیندا اولان اسد رژیمینین ادلیبه هوجوم ائتمه قرارینین روسیا و ایرانین تصدیقی اولمادان غیری-مومکون اولدوغو سؤیلنه بیلر. تورکیه ادلیبله علاقهلی روسلارلا آپاراجاغی موذاکیرهلرله 3 میلیونا یاخین سیویلین یاشادیغی بؤلگهنی جدی بیر اینسانی بحراندان خلاص ائتمهیه جهد گؤستریر. بؤلگهیه ایستیقامتلی حیاتا کئچیریلن هاوا هوجوملاری قارشیسیندا تورکیهنین روسیا و رژیم هاوا قوهلرینی سوریه هاوا ساحهسی داخیلینده فاکتیکی اولاراق دایاندیرماسی مومکون دئییلدیر. بونا گؤره دیپلوماتیک یوللارلا هاوا هوجوملارینی مومکون قدر آزالاتماغا جهد ائدیر. آیریجا رادیکال تشکیلاتلارین ادلیبدکی موجودلوغونو آزالداراق روسیا و رژیمین بؤلگهیه ایستیقامتلی هاوا عملیاتلاری اوچون ایرهلی سوردوگو بهانهلری ال لریندن آلمالیدیر. سوریه-ده کی توققوشمالارا سون قویولماسی و آستانا پروسئسینین سونا چاتدیریلیب سیاسی حل یولو تاپیلماسی باخیمیندان تورکیهنین موخالیفتی بیر یئرده جمع لشدیرمهسی اهمیت داشیییر. بو آرادا رژیم و متفیقلرینین ادلیبه ایستیقامتلی تجاوزکار موضعلریندن ال چکمهلری و هاوا هوجوملارینی دایاندیرمالاری دا واجیبدیر. آنجاق رژیمین ادلیبدکی موخالیفتین گوجونو سیندیراراق حربی باخیمدان سوریه موخایفتینی و اینقیلابچی قوهلری تامامیله سیرادان چیخارماغی ایستدیگی آیدیندیر. آستانا و سوچی پروسئسی چرچیوهسینده داوام ائتدیریلن یئنی اساس-قانون حاضرلاما و دیگر علاقهلی آددیملاردا دا رژیم اوزرینده بیر تضییق عنصورو کیمی موجودلوغونو داوام ائتدیرمک دوروموندادیر. ادلیبین محافظهسی اولا بیلهجک قاچقین آخینلاریندان اؤزونو قوروماقدا تورکیه اوچون اهمیت داشیییر. بوندان علاوه ادلیبین قورونماسی تورکیه اوچون "فرات قالخانی" و "زیتون دالی" عملیاتلارینین آپاریلدیغی بؤلگهلردکی نفوذو، پ.کا.کا-نین سوریه-ده کی قولو اولان پ.ی.د/ی.پ.گ ایله آپاریلان موباریزهسینین داوام ائتدیریلمهسی و سوریه-نین گلجییله علاقهلی موذاکیرلرده سؤز صاحبی اولماسی اهمیتلیدیر.
تورکیهنین گوندمینه دایر تحلیل پروقرامینین نوبتی بؤلومونده سیاست، ایقتیصادیات و جمعیت آراشدیرمالاری فوندونون امکداشی جان آجونون "ادلیب دوگونو"باشلیقلی آنالیتیک یازیسینی تقدیم ائتدیک.