گوندم آنالیز: 28
تورکیه مودافعه صنایع سینده بویوک ایرلیلییش
تورکیه اؤتن ایللر مودافعه صنایعسی ساحه‌سینده بؤیوک ایرلیلییش الده ائدیب. بیر چوخ سلاح- مهمات سیستمینی یئرلی ایمکان‌لارلا اوره تمگی باجاران تورکیه‌نین مدافعه صنایعسی بیر طرف‌دن سلاح‌لی قوه‌لری‌نین خاریجه اولان آسی‌لی‌لیغینی آزال‌دیر، دیگر طرف‌دن اؤلکه ایقتیصادیاتی و خاریجی سیاستینه مهم تحفه وئریر.
تورکیه مودافعه صنایع سینده آک پارتی‌نین 2002-جی ایلده حکومته گلمه‌سیله بیر جانلانما یاراندی و ایللر عرضینده اینکیشاف ائتدیریلن سلاح سیستم‌لری تورکیه و سلاح‌لی قوه‌لرینی داها گوج‌لو موضعه گتیردی.
تورکیه‌نین مودافعه صنایع سینده آتدیغی آددیم‌لار سایه‌سینده بیر چوخ قورو، دنیز، هاواجیلیک و اوزای واسیطه‌لری، سلاح سیستم لری، رادار و الکترونیک حرب، لجستیک و تعلیم ساحه لرینده بؤیوک ایرلیلییش‌لر قت ائدیلدی. کیرپی، BMC EFE ، قایا، پارس، اژدر، اژدر یالچین، کبرا و اورال کیمی اوغورلو زیرئه‌لی ماشین‌لار اوره تن تورکیه مودافعه صنایعسی واسیطه‌لری هم تورکیه سلاح‌لی قوه‌لرینه تسلیم، هم ده خاریجه صادر ائدیر. خصوصیله، ترورلا موباریزه چرچیوه‌سینده اوغورلارینی اثبات ائتدیک‌دن سونرا تورکیه زیرئه‌لی ماشین‌لاری خاریجده ماراقلا قارشیلانماغا باشلادی. تورکیه حربی محصول‌لاری‌نین ناتو ایستانداردلارینا اویغون اوره تیمی، مایا دیری‌نین آشاغی اولماسی و خاریجه ساتیش‌لارین سیاسی طلب‌لره باغلانماماسی تورکیه محصول‌لاری‌نین اولوسلار آراسی بازارلاردا رغبتله قارشیلانماسینا سبب اولوب.
تورکیه قورو واسطه‌لرینده الده ائتدیگی اوغورون بنزرینی دنیز و هاوا واسطه‌لرینده دا الده ائده بیلیب. مسئلن، تورکیه مودافعه صنایع سینین یئرلی ایمکان‌لارلا اینکیشاف ائتدیردیگی MİLGEM دنیز واسطه‌لری و آتاک هلی کوپترلری تورکیه مودافعه صنایعسی تاریخینده ان بؤیوک ساتیشینی رئاللاشدیردی. پاکیستانین تورکیه‌دن 1،5 میلیارد دو‌لار قارشیلیغیندا 30 آتاک هلی کوپتری آلماسی هم تورکیه ایقتیصادیاتی، هم ده تورکیه-پاکیستان موناسیبت‌لرینه بؤیوک تحفه وئرمیش اولدو. پاکیستان آتاک هلی کوپتر موقاویله‌سین‌دن سونرا تورکیه‌دن 4 MİLGEM گمی‌سی ده آلماق اوچون راضیلاشما ایمضالادی. بو، تورکیه تاریخینده کی ان بؤیوک تک طرف‌لی مودافعه صنایعسی صادراتی دیر.
تورکیه‌نین هاوا واسطه‌لرینده الده ائتدیگی اوغورون دیگر گؤستریجی‌سی ایسه سلاح‌لی و سلاح‌سیز "بایراکتار" پیلوت‌سوز اوچان آپارات‌دیر. قطرده کئچیریلن DİMDEX 2018 سرگی‌سی چرچیوه‌سینده اؤلکه‌یه 6 "بایراکتار TB2" پیلوت‌سوز اوچان آپاراتی‌نین صادراتی اوچون راضی‌لیق الده اولونوب. سرگیده، عینی زاماندا، BMC ، آمازون، کیرپی، اژدر یالچین، آکید تعلیم گمی‌سی، آرس آدلی موختلیف تیپ‌لرده اوزن پلاتفورما‌لار و یونجا اونوک MRTP-24/U صادر اولونا‌راق بوتؤولوکده 700 میلیون دو‌لارلیق بیر راضیلاشما تامین ائدیلیب.
تورکیه هاوا واسطه‌لری‌نین اوغورونو گؤسترن دیگر فاکت ایسه اوکراینا و تورکیه آراسیندا اوکراینایا "بایراکتار" پیلوت‌سوز اوچان آپاراتی‌نین ساتیلماسی و اورتاق سلاح کارخاناسی قورولماسی اوچون راضی‌لیق-نیت پروتوکولونون ایمضالانماسی‌دیر.
مودافعه صنایعسینین اوغورونو گؤسترمک اوچون فرات قالخانی و زیتون دالی کیمی اولدوقجا اهمیت‌لی ایکی حربی حرکاتی دا قئید ائتمه‌لییک. تورکیه سلاح‌لی قوه‌لری‌نین داعش و پ.کا.کا/ی.پ.گ ایله موباریزه آپاردیغی بو حرکات‌لاردا تورکیه مودافعه صنایعسینین اوره تیمی اولان محصول‌لار ایستیفاده ائدیلدی.
تورکیه عسگری‌نین، سوریه-نین آغیر شرط‌لرینه باخمایا‌راق، ایکی حرکاتدا دا بؤیوک اوغور الده ائتمه‌سی‌نین سبب‌لرین‌دن بیری مودافعه صنایعسینده کی اینکیشافلا باغلی‌دیر.
فرات قالخانی و زیتون دالی حرکات‌لاری‌نین بوتون سلاح احتیاجی تورکیه مودافعه صنایعسی محصول‌لاری ایله تامین اولوندو. بونونلا دا تورکیه خاریج‌دن سلاح آسی‌لی‌لیغی‌نین آزالدیغینی گؤستردی. هر ایکی حرکاتدا اساس 6 آیری مودافعه صنایعسی محصولو وار ایدی: میللی پیادا توفنگی، "فیرتینا" مرمی‌لر، "بایراکتار" سلاح‌لی پیلوت‌سوز اوچان آپارات‌لار، آتاک هلی کوپتر، اژدر یالچین و کیرپی زیرئه‌لی ماشین‌لاری.
تورکیه عسگری‌نین میللی اوره تیمی اولان پیادا توفنگیندن ایستیفاده‌سی، سوریه ایچری‌سین‌دکی هدف‌لرین سلاح‌لی پیلوت‌سوز اوچان آپارات‌لارلا تثبیت ائدیلیب وورولماسی، "فیرتینا" مرمی‌لری ایله تورکیه سرحدیندن سوریه-ده کی هدف‌لری بؤیوک موفقیتله محو ائتمه‌سی، آتاک هلی کوپترلرینین عفرین کیمی داغ‌لیق اراضیده تروریستلره قارشی ایستیفاده‌سی، اژدر یالچین و کیرپی زیرئه‌لی ماشین‌لاری‌نین تورکیه عسگرینی ترور هوجوم‌لارینا قارشی قورویا بیلمه‌سی – بوتون بون‌لار اصلینده تورکیه مودافعه صنایعسینین ان بؤیوک سیناغی ایدی. تورکیه تولید ائلدیگی سلاح سیستم‌لریله رئال محاربه‌ده اوغور قازاندی، اولوسلار آراسی آرئنادا مودافعه گوجونو گؤستردی.
تورکیه‌نین گوندمینه دایر تحلیل پروقرامی‌نین نوبتی بؤلومونده سیاست، ایقتیصادیات و جمعیت آراشدیرما‌لاری فوندونون امکداشی جان آجونون " تورکیه مودافعه صنایع سینده بویوک ایرلیلییش " باش‌لیق‌لی آنالیتیک یازی‌سینی تقدیم ائتدیک.
