گوندم آنالیز: 24
ترورلا موباریزه‌ده قرارلی لیک عملیاتی
15 ژوئن چئوریلیش جهدین‌دن سونرا اعلان ائدیلن یئنی ترور ایله موباریزه دوکترینی چرچیوه‌سینده تورکیه آرتیق ترورلا موباریزنی اؤز سرحدلری داخیلینده محدود ائتمه‌یه‌جک و تئررور بلاسینی اؤز منبعینده محو ائده‌جک. همین چرچیوه‌ده تورکیه "فرات قالخانی" عملیاتی ایله سرحدلرینی داعش ترور عنصورلاریندان تمیزلندیکدن سونرا "زیتون دالی" عملیاتی ایله عفرین بؤلگه‌سینی ترور عنصورلاریندان تمیزلمه مگی باجاردی. تورکیه‌نین پ.کا.کا/ی.پ.گ ترور تشکیلاتینا قارشی موباریزه‌سی عفرین-دن سونرا قندیل، سینجار و منبیچ-ده داوام ائتدیریلیر. قندیله ایستیقامت‌لی حربی عملیات‌لار آیلار اول باشلادی، منبیچ اوچون امریکا ایله دیپلوماتیک پروسئس نتیجه‌سینده یول خریطه‌سی معین ائدیلدی، سینجار اوچون ایسه هم دیپلوماتیک هم ده حربی واریانت‌لار حاضرلاندی.
تورکیه‌نین ترور ایله موباریزه‌سینه توخونان جمهور باشقانی اردوغان "ساحه‌دکی حربی دسته‌لریمیز تروریستلرین نین لرینه دوغرو آددیم-آددیم ایرلیلییر. موخالیفت ایسته‌مه‌سه‌ده نئجه کی عفرینی، جرابلس-و، البابی، اعزازی تروریستلردن آزاد ائتدیک قندیل‌دکی ترور باتاق‌لیغینی دا تمیزلیجییک. ترور تشکیلاتی‌نین داوامی اولان تشکیلات‌لارا دستک اولان‌لار ناراحات اولسا‌لار دا ترورو بو اؤلکه‌نین گوندمیندن تامامیله چیخاراجاغیق." دئییب.
جمهور باشقانی اردوغانین 11 ژوئن ده "قندیل و سینجارا دا عملیات‌لاری باشلاتدیق. 20 اوچاغیمیز ایله 14 اهمیت‌لی هدفی محو ائتدیک. ووردولار، قاییتدی‌لار، هله بیتمه‌دی داوام ائده‌جک. "دئیه سؤیلمه‌سی ایله رسمی اولا‌راق اعلان ائدیلن قندیل عملیاتی اوچون حاضرلیق‌لار و عملیات‌لار آیلار اولین‌دن باشلانمیشدی. تورکیه‌نین خصوصی تعلیم‌لی تهلوکه‌سیزلیک قوه‌لری و کماندو دسته‌لری طرفیندن سس‌سیز شکیلده داوام ائتدیریلن عملیات ایله قندیله 24 کیلومتره قدر یاخینلاشیلمیش و 11 موشاهیده نقطه سی قورولموش‌دور.
تورکیه عراق داخیلیندکی عملیات ایله ساده‌جه قندیلین دئییل، همین زاماندا ترور تشکیلاتی طرفیندن سوریه و عراق آراسیندا کئچید گذرگاهی اولا‌راق ایستیفاده ائدیلن سینجار بؤلگه‌سی‌نین ده پ.کا.کا و ی.ب.ش کیمی پ.کا.کا-نین پردارخاسی تشکیلات‌لاردان تمیزلنمه‌سینی هدف گؤتوروب. عراق مرکزی حکومتی و امریکانین سینجار بؤلگه‌سینه گلیب یئرلشمه‌سیندن سونرا پ.کا.کا/ی.ب.ش معین سویه‌ده بؤلگه‌دن چکیلمیش‌دیر. لاکین پ.کا.کا/ی.ب.ش-نین بؤلگه‌دکی موجودلوغو هله ده داوام ائدیر.
تورکیه ترور ایله موباریزه‌سینی ساده‌جه حربی عملیات‌لارلا محدود ائتمیر. همین زاماندا فعال دیپلوماتیک دانیشیق‌لاری دا آپاریلیر. عراق مرکزی حکومتی و شیما‌لی عراق بولگه سل ایداره‌نین عراق-دا داوام ائدن عملیات‌لارا قارشی جدی رئاکسیا گؤسترمه‌مه‌سی تورکیه‌نین دیپلوماتیک اوغورودور. همین شکیلده سوریه داخیلینده پ.کا.کا/ی.پ.گ ایله اورتاق حرکت ائدن امریکا ایله ده منبیچ بؤلگه‌سیله علاقه‌لی فعال دیپلوماسی پروسئسی یاشاندی.
امریکا ایله تورکیه آراسیندا کئچیریلن دانیشیق‌لار نتیجه‌سینده ایکی اؤلکه منبیچ اوچون یول خریطه‌سی معینلشدیردی. بونا گؤره پ.کا.کا/ی.پ.گ سلاح‌لی‌لاری منبیچ بؤلگه‌سیندن فراتین شرقینه چکیله‌جک، تورکیه، امریکا و فرانسا بیرگه کشفیات فعالیت‌لری آپارا‌جاق و بؤلگه‌ده بیرگه حرکت ائده‌جک‌لر. سون مرحله‌ده ایسه منبیچ بؤلگه‌سینده یئنی یئرلی مجلیس و یئنی مودافعه دسته‌لری تشکیل ائدیله‌جک.
تورکیه‌نین منبیچ مسئله سینده امریکا ایله آپاردیغی دیپلوماتیک دانیشیق‌لاری ایله یول خریطه‌سی معینلشدیرمه‌سی ساده‌جه منبیچ ایله محدود دئییل. عینی زاماندا فراتین شرقین‌دکی ترور موجودلوغو اوچون ده بیر مدل حالینا گله بیلر. منبیچ یول خریطه‌سی‌نین اوغورلو شکیلده تطبیق ائدیلمه‌سی، رقه، دیر الزور، تل ابیض کیمی یئرلرده ده همین یول خریطه‌سی‌نین تطبیق ائدیلمه‌سینه گتیریب چیخارا بیلر. نتیجه‌ده بو بؤلگه‌لردکی یئرلی اها‌لی ی.پ.گ ظلمون‌دن ناراحات‌دیر.
عمومی معنادا یئنی ترورلا موباریزه دوکترینی چرچیوه‌سینده بیر چوخ نایلیت الده ائدن تورکیه قارشی‌داکی پروسئسده داها چوخ حمله لر ایله ترورو آخیرینا گتیریب چیخارماق یاخود ان آشاغی سویه‌یه دوشورمک اوچون اهمیت‌لی آددیم‌لار آتیر. پ.کا.کا/ی.پ.گ ترور تشکیلاتی‌نین سون ایللرده عراق و سوریه-ده کی خاوس‌دان ایستیفاده ائدیب ساحه‌سینی گنیشلتمه‌سین‌دن سونرا تورکیه‌نین سرحددن کنارداکی عملیات‌لاری ترور تشکیلاتی‌نین موجودلوغونو محدود ائتدی و تورکیه داخیلیندکی ترور آکت‌لاری‌نین سایی آزالدی. تورکیه قارشی‌دان گلن پروسئسده ترورون تامامیله آخیرینا چیخماسی اوچون قطعیتلی آددیم‌لارلا ایره‌لیلمکده داوام ائده‌جک‌دیر.
"تورکیه‌نین گوندمینه دایر تحلیل "پروقرامی‌نین نوبتی بؤلومونده سیاست، ایقتیصادیات و جمعیت آراشدیرما‌لاری فوندونون امکداشی جان آجونون "ترورلا موباریزه‌ده قرارلی لیک عملیاتی" موضوع لو آنالیتیک یازی‌سینی تقدیم ائتدیک.
