گوندم آنالیز: 18
سوریه-ده قلوبال قوهلرین موباریزهسی
حاضردا بولگه ده کی و قلوبال قوهلرین سوریه-ده کی موباریزهسی اؤلکهدکی ایچ ساواشین قارشیسینا کئچیب. اسد رژیمینین 2011-جی ایلده جمعیتین طلبلرینی رد ائدهرک، اؤلکهنی دموکراتیکلشدیرمک اوزینه ساواشا سوروکلمهسی سوریه مکانینین بیر سیرا بولگه سل و قلوبال آکتیورلار اوچون موباریزه میدانینا چئوریلمهسینه سبب اولدو. دؤیوش مئیدانینا دؤنن سوریه بیر طرفدن توققوشان داخیلی مسئلهلر و ترور پروبلئمی ایله بوغوشور. دیگر طرفدن بولگه ده اؤلکهلر آراسیندا وکالت ساواشی داوام ائدیر. روسیا، امریکا، بؤیوک بریتانیا و فرانسا کیمی قلوبال آکتورلارلا یاناشی، تورکیه، ایران، سعودی عربیستانی، قطر، ایسرائیل کیمی بولگه سل آکتورلار دا سوریه-ده فعالدیرلار.
قلوبال و بولگه سل آکتورلار سوریه-ده کی مقصدلرینه چاتماق اوچون بیر چوخ وکالت فاکتورلاردان ایستیفاده ائدیرلر. روسیا اسد رژیمینه ایرانلا بیرگه هاوادان و قورودان دستک وئریر، دیپلوماتیک و مادی دستکی ده اسیرگهمیر. بونلارا علاوه اولاراق، بیر چوخ روس مزدلو حربچیسی ده سوریه-ده خیدمت ائدیر. ایران ایسه مادی و حربی دستک وئرمکله یاناشی، سوریه اراضیسینه هم سوریه-لی، هم ده اجنبی منشألی میلیسلری یئرلشدیریر. بونلارین آراسیندا لبنان-لی حزب الله، افقان فاطمیون تیپی، عراق-لی نجبای حرکاتینی و پاکیستانلی زینبیون تیپینین آدلاری چکیله بیلر. ایران سوریه-ده یالنیز وکیل عنصورلار ایله دئییل، عینی زاماندا، اؤزونون اینقیلابی پاسدارلارینین قوهلریندن ده ایستیفاده ائدیر. روسیا و ایرانین سوریه-نین بیر چوخ یئرینده حربی بازالاری و ایستیفاده ائتدیکلری هاوا لیمانلاری موجوددور.
باشقا بیر جبههنی ایسه امریکا، فرانسا و اینگیلتره یارادیر. غرب بلوکونون یاراتدیغی جبهه داعش ایله موباریزه آدی آلتیندا ی.پ.گ ترور تشکیلاتینا سرمایه قویور. بو بلوک ی.پ.گ-نین رهبرلیگی آلتیندا یارادیلان سوریه دموکراتیک قوهلری ایله شیمال-غربی سوریه-ده کی منبج-دن جنوب-شرقدکی ابو کمال قدر اوزانان بیر خطه نظارت ائدیر. امریکا و فرانسانین بو ساحهده 25-ا قدر حربی بازاسی موجوددور. بو بازالارین آراسیندا 2 هاوا میدانی دا قرب بلوکو طرفیندن ایستیفاده ائدیلیر. همچنین اینگیلتره و امریکانین سوریه-نین جنوبونداکی تنف بؤلگهسینده 2 بازاسی وار. بو بولگه ده ایسه مقاویر الثوره آدلی بیر تشکیلاتلانما ایله حرکت ائدیرلر. سعودی عربیستانی سوریه-ده اوزون مودت سوریه موخالیفتینی دستکلهدی، سون دؤورده ی.پ.گ-نین رهبرلیک ائتدیگی سوریه دموکراتیک قوهلرینی دستکلمهیه باشلاییب. بوندان باشقا، سعودی عربیستانی رهبرلیگی آلتینداکی عرب اؤلکهلرینین سوریه دموکراتیک قوهلری طرفیندن نظارت ائدیلن بؤلگهلره حربچیلر یئرلشدیردیکلری بارهسینده صحبتلر گئدیر.
دیگر بیر جبههنی ایسه تورکیه یارادیر. تورکیه ادلیب بؤلگهسیندکی چاتیشمازلیک زوناسینا نظارت ائتمک اوچون 9 موشاهیده منطقهسی یارادیب. بو منطقهلرین سایینین 12-یه چاتدیریلماسی نظرده توتولور. تورکیه، عینی زاماندا، "فرات قالخانی" و "زیتون دالی" عملیاتلاری ایله داعش و ی.پ.گ ترور تشکیلاتلاریندان آزاد اولونان اراضیلرده حربی وارلیغینی داوام ائتدیریر. آرتیق سوریه خالقی اوچون تهلوکهسیز بؤلگه اولان عفرین، عزز، الباب و جرابلس بؤلگهلرینده تورکیه خصوصی تییناتلی قوهلرینین تعلیم کئچدیگی سوریه پولیس تشکیلاتی آساییشی تامین ائدیر. سوریه پولیس تشکیلاتی سوریه موخالیفتینین قوردوغو و اولوسلار آراسی عالمده قبول اولونان سوریه موقتی حکومتینه تابعدیر. یارادیلان میللی اردو دا سوریه موقتی حکومتینین تابعچیلیگیندهدیر. قطر ایسه "قطر بحرانی"ندان اول سوریه موخالیفتینی یاخیندان دستکلییردی، لاکین محاصرهدن سونرا قطرین سوریه-ده کی تأثیر دایرسی آزالیب.
آکتورلاردان بیری ده ایسرائیلدیر. ایسرائیل 1967-جی ایلده اولوسلار آراسی حقوقا ضد اولاراق ایلحاق ائتدیگی جولان تپهلری ایله سوریه-نین اراضیسینی غصب ائتمیشدی. 2011-جی ایلده باشلایان محاربهدن سونرا ایسه ایسرائیل جولان تپهلریندکی حاکمیتینی داها دا محکملندیردی. ایرانین وکالت فاکتورلارینین سوریه-ده آرتماسی و حزب الله-ین سوریه ساحهسینده گوجلنمهسینه گؤره ناراحات اولدوغونو بیلدیرن ایسرائیل زامان- زامان سوریه داخیلینده ایران و حزب الله هدفلرینه قارشی هاوا هوجوملاری حیاتا کئچیریر.
اسد رژیمینین 2011-جی ایلده خالقین طلبلرینی قبول ائتمهییب، اؤلکهنی محاربهیه سوروکلمهسیندن سونرا سوریه قلوبال و بولگه سل قوهلرین موباریزه میدانینا چئوریلدی. میللی اگمنلیگینی ایتیرن سوریه-نین بیر نئچه فرقلی تأثیر ساحهلرینه بؤلوندوگونو سؤیلهمک مومکوندور. لاکین سوریه ساحهسینده جریان ائدن محاربنی قلوبال و بولگه سل قوهلرین موباریزهسی سویهسینه ائندیرمک ده دوزگون دئییل. سوریه-ده هله ده داوام ائدن ایچ ساواشین اولدوغو اونودولمامالیدیر.
سیاست، ایقتیصادیات و جمعیت آراشدیرمالاری فوندونون امکداشی جان آجونون "قلوبال قوهلرین سوریه-ده موباریزهسی" آدلی آنالیتیک یازیسینی تقدیم ائتدیک.