گوندم آنالیز: 16
امریکانین رژیمی هدف آلماسینین معناسی ندیر؟
سوریه-ده رژیمین شرقی غوطه-ده موخالیفته یؤنلدیلمیش شیمیایی سلاحدان ایستیفاده ائتمهسی ایله بیر آندا اولوسلار آراسی ایجتیمایتین دقتینی اورتا شرقه چکدی و امریکا باشچیلیغیندا رژیمه یؤنلدیلن حربی موداخیله گوندمه گلدی. آوریلین 14-ده گئجه رادهلرینده گؤزلنیلن موداخیله رئاللاشدی.
امریکا، اینگیلتره و فرانسانین حربی موداخیلهسی احاتلی عملیات اولماسیندان علاوه رژیمه یؤنلدیلمیش بیر "جزالاندیرما" عملیاتی شکلینده حیاتا کئچیریلدی. امریکا داخیلینده باش وئرن موباحیثه لره نظر سالدیقدا ترامپین احاتلی عملیات حیاتا کئچیرمه ایستکی گؤرولدوکده مدافعه ناظیری جیمز ماتیس و پنتاگونون روسیا ایله بیر گرگینلیگه سبب اولماماسی اوچون احاته دایرهسی محدود اولان عملیاتی سئچیم ائتدیکلری معلوم ایدی.
اصلینده امریکا، اینگیلتره و فرانسا کوالیسیون یاراداراق، رژیم واسطهسیله روسیانین تأثیر دایرهسینی و ایران ایله بیرگه حرکت ائدن شیعه میلیسلری هدف گؤتورور. نتیجهده امریکانین سوریه-ده کی رژیمی دئویرمه کیمی نیتی یوخدور. اصلینده امریکانین الینه بؤیوک بیر فورصت کئچمیش اولماسینا باخمایاراق احاتلی عملیات حیاتا کئچیرمهمهسی بونو آچیق شکیلده اورتایا قویموشدور. اوباما حاکمیتده اولدوغو دؤورده سوریه-ده و عمومی اولاراق اورتا شرقده روسیا و ایران اوچون گئنیش بیر حاکمیت ساحهسی یارانمیشدی. ایندی ایسه روسیانین الده ائتدیگی ساحهنین آددیم-آددیم محدود ائدیلجگی و ایرانین سوریه-ده کی تأثیر دایرهسینین آزالدیلماسی گوندمدهدیر.
ایسرائیل و بؤلگهدکی کؤرفز اؤلکهلری جهتدن ایرانین محدود ائدیلمهسی اهمیت داشیییر. ایسرائیل، کؤرفز اؤلکهلری و تورکیه باخیمیندان ایرانین بؤلگهدکی آگرسیو سیاستی قبول ائدیلمز سویهیه چاتیب. ایرانین سپاه پاسدارانی، حزب الله و ایرانا باغلی میلیسلرین سوریه-ده موجودلوغونون 60 مینی کئچدیگی بیلدیریلیر. امریکا سون هوجومو ایله بعضی اؤنملی هاوا بازالاری هدفه گؤتوردو، لاکین عمومی اولاراق حربی موداخیلهنین محدود اولدوغو موشاهیده اولوندو. امریکانین باشچیلیغینداکی حربی موداخیلهدن اول ایسرائیل T4 هاوا لیمانی باشدا اولماقلا ایران طرفیندن ایستیفاده اولونان بعضی بازالاری فاصیله لرله ووروردو.
امریکانین باشچلیغینداکی حربی موداخیله قارشیسیندا روسیا و ایرانین وئرجگی جاواب قارشیدان گلن گونلرده داها دقیق اولاجاق. اسد رژیمی ایران طرفداری میلیسلر و موزدلو روس عسگرلری کئچن آیلاردا دیرالزور بؤلگهسینده ی.پ.گ طرفیندن نظارت ائدیلن نفت ساحهلرینه ایرهلیلمک اوچون تشببوس ائتدی. امریکا باشچیلیغینداکی اولوسلار آراسی کوالیسیون بو تشببوسه سرت شکیلده جاواب وئرهرک، هاوا هوجوملاری و توپ آتیشلاری ایله ایرهلیلمک ایستهین عنصورلاری سیرادان چیخاردی. لاکین سون امریکا باشچیلیغینداکی حربی موداخیلهدن سونرا روسیا و ایرانین جاواب اولاراق دیرالزور خطینه ایستیقامتلی احاتلی حربی عملیات باشلادماسی مومکوندور. بو دورومدا ی.پ.گ طرفیندن نظارت ائدیلن و اهالیسینین هامیسی هارداسا عربلردن عبارت اولان بؤلگهدکی نفت ساحهلری اوچون اؤنملی موباریزه آپاریلا بیلر. لاکین روسیا و ایرانین رئاکسیالاری نه اولارسا اولسون اسد رژیمینین سون شیمیایی سلاح تطبیقینین اولوسلار آراسی ایجتیمایت اوچون اؤنملی ائفئکتی وار. اؤز خالقی اوزرینه شیمیایی سلاحلی هوجوم ائدن رژیمین قانونیلیگی بیر داها سوال ائدیلمهیه باشلانیلدی. رژیمین بو محاربه جینایتینین جزالاندیریلماسی اهمیت داشیییر. تورکیه جهتدن رژیمین اینسانی جینایتلر اوچون جزالاندیریلماسی ممنونیتله قارشیلاندیقدا، روسیا و امریکا آراسینداکی جدی سویهدکی گرگینلیک تورکیهنین ایستمهدیگی بیر سناریو ایدی. روسیا و امریکا آراسیندا تورکیهنین واسیطهچی رولو گؤتورمهسی تورکیهنین سوریه معادله سینده دایاندیغی ایستراتژی موضعینی ان باریز اورتایا قویان فاکتلاردان بیریدیر. تورکیهنین واسیطهچیلیگی ایله امریکا و روسیا آراسینداکی دیپلوماتیک و حربی کاناللار یئنیدن آچیلدی و امریکا روسیانین محاربهده ضامینلیگینی هدف گؤتوردوکده، روسیا بو هوجوما بیرباشا موداخیله ائتمهدی. تکنولوژی اینکیشاف و مدافعه صنایع سینین سون وضعیتی نظرده توتولدوقدا، اولوسلار آراسی قوهلرین بیر-بیرلرینی بیرباشا حربی معنادا هدف گؤتورمهسی مومکون گؤرونمور. ایقتیصادیات و سیبر جینایتلردن علاوه، وکیل عنصورلار واسطهسیله حرب گئدیر. امریکا روسیانین حربدکی ضامین اؤلکهسینی وورماسیندان سونرا روسیانین امریکانین سوریه-ده کی ضامینی اولان ی.پ.گ-نی ووروب وورمایاجاغی ماراق دوغورور.
تورکیهنین سیاست، ایقتیصادیات و جمعیت آراشدیرمالاری فوندو-ستانین آراشدیرماچی یازاری جان آجونون فیکیرلرینی تقدیم ائتدیک.