گوندم آنالیر: 12
تورکیه‌نین عفرین ظفری
عفرین بؤلگه‌سی‌نین نظارتینی اله کئچیرمک و بؤلگه‌نی یئرلی خالقا تحویل وئرمک اوچون باش‌لانان "زیتون دالی" عملیاتی چرچیوه‌سینده عفرین شهر مرکزینده و اطراف‌داکی کندلر تورکیه سلاح‌لی قوه‌لری و آزاد سوریه اردوسو قوه‌لری طرفیندن آزاد ائدیلدی. عفرین شهر مرکزی‌نین ترور عنصورلاریندان تمیزلنمه‌سی هم اینسانی، هم حربی، هم ده سیاسی باخیم‌دان درس گؤتوروله‌جک نیتینده آیریجا بولگه ده کی بیر چوخ معادله‌نی دییشه‌جک‌دیر. عفرینده موفقیت دومینو افکتی یارادا‌جاق.
سوریه محاربه‌سی 7 ایلینی باشا ووردوق‌دان سونرا عفرین-ین پ.کا.کا / ی.پ.گ ترور تشکیلاتلاریندان آزاد ائدیلمه‌سی سوریه محاربه‌سینده ایشتیراک ائدن بوتون آکتورلار اوچون اینسانی باخیم‌دان بیر درس‌دیر. سوریه-ده کی اسد رژیمی و هاوادارلارینین سیویل لره قارشی بومباردمانی، ایشگنجه و محاصره ده آج بوراخیلماسی دونیا ایجتیمایتی‌نین گؤزو قارشی‌سیندا باش وئردی. رژیمین قاداغان اولونموش چللک بومباسی و سیویل لره قارشی قاداغان ائدیلمیش شیمیایی سلاح‌لاردان ایستیفاده ائتمه‌سیندن علاوه اولا‌راق روسیا دا ناپالم و دیگر بومبا نوع لرین‌دن ایستیفاده ائتمیش‌دیر. ایران دونیانین موختلیف اؤلکه‌لرین‌دن گتیریلن خاریجی دؤیوشچولرله سوریه-ده بیر چوخ ساواش سوچو حیاتا کئچیرمیش‌دیر.
دیگر طرف‌دن، امریکا و ی.پ.گ سوریه-نین قوزیی ینده و دوغوسوندا اینسان‌لاری کؤچ ائتمه‌یه مجبور ائتدی و بولگه ده قورخو امپراطورلوغو قوردو. ی.پ.گ اؤزونه قارشی اولان سیویل لری جزالان‌دیرماق اوچون امریکایا اؤتوردوگو کووردینات‌لار ایله ائولرینی بومباردمان ائتدیردی و حبس‌خانا‌لاردا بیر چوخ محکوما ایشگنجه وئردی.
ی.پ.گ تک پارتی رهبرلیگینه قارشی چیخان سوریه کوردلرینی اؤلدوردو، حبس ائتدی و یا دئپورت ائتدی. امریکا ایسه سوریه-ده فسفر بومبالاریندان ایستیفاده ائتدی و رقه شهرینی یئرله-یکسان ائتدی. رقه شهری هله ده خارابا‌لیق‌دیر و سیویل لر بؤلگه‌یه قاییدا بیلمه‌ییب. امریکانین رقه-نی محو ائتمه‌سینه باخمایا‌راق، بؤلگه‌نین برپاسی اوچون ضروری اولان یاتیریم‌لاری قویمور.
یئددی ایل محاربه‌سی دؤورونده سوریه موختلیف وحشی‌لیک‌لرله قارشی‌لاشدی. داعش-ین وحشی ترور عمل لری شوک تأثیری یاراتسا دا ان بؤیوک سیویل ایتکی‌لرین سببی رژیم، روسیا و امریکانین هاوا بومباردمان‌لاری‌دیر. تورکیه و آزاد سوریه اردوسو دسته‌لرین‌دن عبارت میللی اردو قوه‌لری "زیتون دالی" عملیاتی و داها اول حیاتا کئچیریلن "فرات قالخانی" عملیاتی ایله سوریه-ده کی و دونیا‌داکی بوتون آکتورلارا اینسانی، حربی و سیاسی باخیم‌دان بؤیوک بیر درس وئرمیش‌دیر. رقه و موصولون امریکا طرفیندن خارابایا چئوریلمه‌سی، حلب و غوطه-نین روسیا طرفیندن یئرله-یکسان ائدیلمه‌سی و حمص و زابا‌دانی‌نین اسد رژیمی طرفیندن داغیدیلماسی قارشی‌سیندا تورکیه و میللی اردو عفرینی دئمه‌لی بیر داغیتما ایشینه اوز توتما‌دان ترور عنصورلاریندان آزاد ائتمیش‌دیر.
سوریه "زیتون دالی" و "فرات قالخانی" عملیاتی کیمی 7 ایللیک محاربه زامانی آز سیویل ایتکی‌لر و داغیلمانین اولدوغو باشقا حربی عملیات‌لارا شاهید اولمادی. بؤلگه‌دکی تورکیه سلاح‌لی قوه‌لری و میللی اردو قوه‌لری، سوریه-ده کی دیگر آکتیورلارلا موقاییسه‌ده سیویل اها‌لی‌دن اینتیقام آلماییب اونلاری قورودو. عملیات زامانی گؤستریلن سیویل شخص‌لره قارشی گؤستریلن حساسلیق نومونه تشکیل ائتمیش‌دیر. مثال اوچون امریکا رقه عملیاتیندا "زیتون دالی" و "فرات قالخانی" عملیات‌لاری زامانی گؤستریلن حساسلیغین عینی سینی گؤسترسیدی حاضردا یوز مین‌لرله سیویل و قاچقین رقه-یه قاییداردی.
"زیتون دالی" عملیاتی‌نین اینسانی، حربی و سیاسی اولا‌راق درس خصوصیتینده اولماسی ایله یاناشی سوریه ساحه‌سین‌دکی معادله لری ده دییشدیرجگی نظرده توتولور. "فرات قالخانی" عملیاتی ایله ترور عنصورلاریندان آزاد ائدیلن بؤلگه‌لر ایله ادلیب‌دکی سوریه-لی موخالیف‌لرین نظارت ائتدیگی بؤلگه‌لر آراسیندا بیرباشا علاقه قورولدو. بئله‌لیکله سوریه موخالیفتی آستانا، سوچی و ژنو پروسئس‌لرینده داها گوج‌لو موضع توتدو. آیریجا تورکیه‌نین بیرلیکده حرکت ائتدیگی میللی اردونون بیرباشا سوریه موقتی حکومتینه باغلی اولماسی، سوریه موخالیفتی‌نین حربی و سیاسی قانادلارینی گوجلندیردی.
بوندان علاوه "زیتون دالی" عملیاتی ایله بیرلیکده مئدیا طرفیندن ی.پ.گ حاقیندا دانیشیلانلارین نه قدر یالان اولدوغونو ثبوتا یئتیریر. ایلک پلاندا ی.پ.گ-نین حربی باخیم‌دان "ان تأثیرلی یئرلی گوج اولدوغو ادعاسی‌نین دوزگون اولمادیغی" حتی ی.پ.گ-نین امریکانین بیرباشا دستکی اولما‌دان چوخ اوغورسوز اولدوغو ثبوتا یئتیریلدی. آیریجا ی.پ.گ-نین ده سوریه-لی کوردلرین نماینده‌سی اولمادیغی و یئرلی خالق طرفیندن دستکلنمه‌مه‌سی ده اورتایا چیخدی. بئله‌لیکله عفرین بؤلگه‌سین‌دکی سیویل لره ی.پ.گ-نین نظارتین‌دکی بؤلگه‌لردن قاچماغا جهد ائدرکن ی.پ.گ سلاح‌لی‌لاری طرفیندن مانعه اولوندوغو هم بمت طرفیندن هم ده یاییلان اینسانسیز اوچوش آراجلاری‌‌نین گؤرونتولری اوزریندن تصدیق ائدیلدی.
عفرین-ده کی اوغورلو عملیاتین دومینو افکتی ایله پ.کا.کا-نین الینده دیگر بؤلگه‌لره تأثیری‌نین اولاجاغی آیدین‌دیر. هر شئی‌دن اول پ.کا.کا-نین جدی بیر گوج اولمادیغی، یالنیز امریکانین دستکی ایله گوجونو قورودوغو دوشونجه‌سی گوج‌لنه‌جک. پ.کا.کا حکمرانلیغینداکی منبیچ و فراتین دوغوسونداکی عرب طایفه‌لاری دا سفربر اولماغا باشلادی‌لار. آرتیق عرب‌لر پ.کا.کا-یا قارشی عصیان ائتمه نقطه سینه گلیب چاتدی‌لار.
تورکیه‌نین سیاست، ایقتیصادیات و جمعیت آراشدیرما‌لاری فوندو-ستا-نین آراشدیرماچی یازاری جان آجونون تورکیه‌نین عفرین ظفری ایله علاقه‌لی فیکیرلرینی تقدیم ائتدیک.
