گوندم آنالیز-11
تورکیه‌نین سرحددن کناردا آپاردیغی ترورلا موباریزه‌سی
"زیتون دالی" عملیاتی چرچیوه‌سینده عفرین-ین تورکیه ایله اولان سرحد منطقه‌لری‌نین نظارتی ی.پ.گ-لی تروریستلردن اله کئچیریلمیش و داها سونرا بیر هفته عرضینده جیندرس راکو، شیخ هادید و شعران یاشاییش منطقه‌لری تروریست عنصورلاردان تمیزلنمیش‌دیر. تورکیه‌نین سرحد منطقه‌سینی تروریستلردن تمیزلمه‌سی ایله ی.پ.گ سلاح‌لی‌لاری‌نین هاوادان و قیسا منزیل‌لی راکت‌لر ایله تورکیه اراضی‌لرینه هوجوم ائتمه‌سی‌نین قارشی‌سی آلینا‌راق تورکیه‌نین میللی تهلوکه‌سیزلیگی جهت‌دن اؤنم‌لی قازانج‌لار الده ائدیلمیش‌دیر. بونونلا دا عفرین بؤلگه‌سیندن تورکیه‌نین ریحانلی و کیلیس بؤلگه‌لرینه ایستیقامت‌لی هوجوم‌لارا مانع اولونموش‌دور.
سرحد منطقه‌سینه نظارتین اله کئچیریلمه‌سی ایله ی.پ.گ/پ.کا.کا-نین آمانوس داغ‌لارینا سیزما تشببوس‌لری‌نین قارشی دا آلیندی. معلوم اولدوغو کیمی ی.پ.گ/پ.کا.کا عفرین-دن هاتای ایستیقامتینده آمانوس داغلاریندان ایستیفاده ائده‌رک سلاح و تروریست داشیییردی. بونونلا دا تورکیه سرحدلری داخیلینده امریکانین ی.پ.گ-یه وئردیگی موختلیف سلاح سیستم‌لری اله کئچیریلمیش‌دیر. لاکین تورکیه‌نین میللی تهلوکه‌سیزلیگی باخیمین‌دان ساده‌جه سرحد منطقه‌سی‌نین امین-آمان‌لیغی دئییل، همین زاماندا پ.کا.کا-نین حاکم اولدوغو ساحه، پول و اینسان قایناغی‌نین الیندن آلینماسی واجیب‌دیر. تورکیه اؤز سرحدلری بویونجا اوزانان ترور قورشاغینا ایجازه وئرمه‌یه‌جگینی "زیتون دالی" و "فرات قالخانی" عملیاتی ایله اورتایا قویموش‌دور.
"زیتون دالی " عملیاتی چرچیوه‌سینده عفرین فاکتیکی اولا‌راق محاصره‌یه آلینمیش‌دیر. لاکین تورکیه سلاحلی قوه‌لری (TSK) و آزاد سوریه اردوسو قوه‌لری هنوز هله شهره ایستیقامت‌لی بیر هوجوم باشلاتمامیشدی. ی.پ.گ-لی سلاح‌لی‌لار سیویل لری قالخان کیمی ایستیفاده ائتمه‌یه جهد گؤستریر و اونلارین شهری ترک ائتمه‌لرینه مانع اولور. بو مینوالدا تورکیه‌یه مخصوص پیلوت‌سوز اوچوش آراج لارینین چکدیگی گؤرونتولر کونووی حالیندا عفرین-دن چیخماغا جهد گؤسترن سیویل لرین ی.پ.گ-لی قول‌دورلار طرفین‌دن مانع اولوندوغونو گؤستریر. عفرین-ده کی سیویل لر شهردن چیخیب تورک سلاحلی قوه لر و آزاد سوریه اردوسو قوه‌لری‌نین ترور عنصورلاریندان تمیزلدیگی بؤلگه‌لره قاچماق ایستییر، اما ی.پ.گ/پ.کا.کا بونا انگل اولور. تورک سلاحلی قوه لری و آزاد سوریه اردوسونون سیویل لره حساس یاناشماسی احتیمال کی، عفرین شهر مرکزینه ایستیقامت‌لی عملیاتین گئج باشلاماسینا دا سبب اولا‌جاق‌دیر.
"زیتون دالی" عملیاتی داوام ائدرکن تورکیه گونئی سرحدی‌نین ترور عنصورلاریندان تمیزلنمه‌سی ایستیقامتینده یئنی آدیم‌لار آتماق اوچون حاضیرلاشیر. بیر طرف‌دن امریکا ایله فراتین باتی سینداکی منبیجله علاقه‌لی دانیشیق‌لار آپاریر، دیگر طرف‌دن عراق-داکی ترور عنصورلرینه قارشی عراق مرکزی حکومتیله موذاکیره‌لری داوام ائتدیریر.
امریکا منبیجی ی.پ.گ-نین نظارتین‌دکی سوریه دموکراتیک قوه‌لری ایله اله کئچیردیگی زامان تورکیه‌یه سوز وئره‌رک دئمیشدی کی، شهره نظارتین داعش-دن آلینماسین‌دان سونرا ی.پ.گ-لی سلاح‌لی‌لار فراتین دوغوسونا چکیله‌جک و منبیج بؤلگه‌سینه نظارت عرب عنصورلارینین الینده اولا‌جاق. تورکیه امریکانین بو تکلیفینی بؤلگه‌نین داعش-دن تمیزلنمه‌سی اوچون قبول ائتمیش‌دیر. نتیجه‌ده منبیج عملیاتیندان سونرا یوکسک سویه‌لی امریکا مسئول‌لاری ی.پ.گ-نین بؤلگه‌نی ترک ائتدیگینی سؤیلمیش‌دیر. لاکین بو ادعالارین حقیقتی عکس ائتدیرمه‌دیگینی تورکیه دیله گتیردی. "فرات قالخانی" عملیاتی زامانی ی.پ.گ-لی سلاح‌لی‌لاری تورک سلاحلی قوه لری و آزاد سوریه اردوسو قوه‌لرینه هوجوم ائتمه‌سی نتیجه‌سینده امریکانین ادعا‌لاری‌نین حقیقت اولمادیغی ثبوتا یئتیریلمیش‌دیر. تورکیه "زیتون دالی" عملیاتیندان سونرا منبیج بؤلگه‌سینی ده ی.پ.گ-لی قول‌دورلاردان تمیزلمکده قرارلی دیر.
تورکیه‌نین قرارلی موضعیندن سونرا امریکا ایله یوکسک سویه‌لی دانیشیق‌لار کئچیریلدی و ایش قروپو قورولماسی قرارا آلیندی. ایش قروپ‌لاریندا امریکا و تورکیه آراسین‌داکی پروبلئم‌لرین نئجه حلینی تاپا بیله‌جگی موذاکیره اولونا‌جاق و امکداش‌لیغی گوجلن‌دیرمک ایستیقامتینده آدیم‌لار آتیلا‌جاق. منبیج موضوع سوندا ایسه ی.پ.گ-نین بؤلگه‌دن چیخاریلماسی و تورکیه و امریکا عسگرلری‌نین بیرگه آدیم آتماسی پلانلاشدیریلیر. بئله کی، منبیج-ده تهلوکه‌سیزلیک ایکی اؤلکه‌نین عسگرلری طرفین‌دن تامین ائدیله‌جک. تورکیه "زیتون دالی" عملیاتیندان سونرا احتیمال اولونان بیر منبیج عملیاتینا قدر امریکا ایله راضی‌لاشا‌راق حل یولو تاپماق ایستییر. امریکا جهت‌دن ده تورکیه ایله راضی‌لیق الده ائده‌رک منبیج اوچون حل یولو تاپیلماسی و بؤلگه‌نین ترور عنصورلریندن تمیزلنمه‌سی داها منطق‌لی اولان یول‌دور. تورکیه نه‌ین باهاسینا اولارسا اولسون منبیجی ترور عنصورلاریندان تمیزلمکده قرارلی دیر.
عراق-داکی ترور عنصورلاری اوچون ایسه عراق مرکزی حکومتیله بیرگه عملیاتین حیاتا کئچیریلمه‌سی گوندمده‌دیر. عملیاتین عراق-داکی سئچکی‌لردن سونرا کئچیریله جگی گؤزلنیلیر. تورک سلاحلی قوه لرینین عینی آندا ایکی آیری جبهه‌ده دؤیوشمه قابیلیتی اولدوغو اوچون "زیتون دالی" عملیاتی باشا چاتماسا دا حربی اولا‌راق تورکیه‌نین بو گوجو وار. پ.کا.کا-نین عراق-داکی اننوی موجودلوغو دهوک، زاگرس و قندیل خطینده‌دیر. لاکین سوریه-ده اولدوغو کیمی پ.کا.کا داعش-ین اورتایا چیخماسیندان ایستیفاده ائده‌رک حاکمیت و عملیات ساحه‌سینی گئنیشلندیردی. عراق-دا سینجار بؤلگه‌سینده و سینجار داغیندا موجودلودوغونو داوام ائتدیرن پ.کا.کا همین زاماندا بؤلگه‌دن عراق و سوریه آراسیندا بیر رابطه کیمی ایستیفاده ائدیر.
تورکیه حاضیرلادیغی یئنی کونسپت ایله ترورلا موباریزنی اؤزونون سرحدلری داخیلینده مدافعه ائده‌رک دئییل، سرحددن کناردا حربی عملیات‌لار حیاتا کئچیره‌رک ترورو قایناغیندا تمیزلمک ایستییر. داعش-ین "فرات قالخانی" عملیاتی ایله سوریه-نین جرابلوس، دادبیق و الباب بؤلگه‌لرین‌دن تمیزلنمه‌سین‌دن سونرا ترور تشکیلاتی‌نین تورکیه‌دکی هوجوم‌لاری آزالیب. حتی باشا چاتدیغی دا سؤی‌لنه بیلر. همین شکیلده "زیتون دالی" عملیاتیندان سونرا عراق و منبیجده ی.پ.گ-لی سلاح‌لی‌لار تمیزلنجگی تقدیرده تورکیه داخیلینده ائدیلن ترور هوجوم‌لاری آزالا‌جاق‌دیر. تورکیه اصلینده سرحدن کناردا کئچیردیگی عملیات‌لار ایله ساده‌جه اؤزونون میللی تهلوکه‌سیزلیگینی دئییل، همین زاماندا قونشو اؤلکه‌لرین ده میللی تهلوکه‌سیزلیگینی و بوتون دونیانی ترور تهدیدینه قارشی قورویور.
تورکیه‌نین سیاست، ایقتیصادیات و جمعیت آراشدیرما‌لاری فوندو-ستا-نین آراشدیرماچی یازاری جان آجونون تورکیه‌نین سرحددن کناردا ترورلا موباریزه‌سیله علاقه‌لی فیکیرلرینی تقدیم ائتدیک.
