گوندم آنالیز 5
تورکیه سلاحلی قوه‌لری‌نین عفرین-ده کی ترور یووا‌لارینی محو ائتمک اوچون باشلادیغی عملیات ایکینجی هفته‌سینی باشا ووردو.
سوریه-ده بیر سیرا اهمیتلی حادثه لر باش وئریر. تورکیه سلاحلی قوه‌لری‌نین عفرین-ده کی ترور یووا‌لارینی محو ائتمک اوچون باشلادیغی عملیات ایکینجی هفته‌سینی باشا ووردو. تورکیه سلاحلی قوه‌لری موفقیتله داوام ائدن عملیاتلا یاناشی ادلیب‌دکی چاتیشمازلیک بولگه سینه نظارت ائتمک اوچون موشاهیده منطقه‌لری یارا‌دیر. ساحه‌ده حادثه‌لرین اینکیشافی امریکانین سوریه-ده کی رولونا دا تأثیر ائدیر.
"زیتون دالی" عملیاتی دومینو افکتی یارادا‌راق پ.کا.کا / ی.پ.گ-نی دیگر بؤلگه‌لرده ده جدی معنادا ضعیفله‌ده‌جک. حاضیردا منبیچ، حاصکه، رقه، دیرالزور-دا ترور تشکیلاتی‌نین ظلم ائتدیگی بؤلگه خالقی ی.پ.گ-یه قارشی آیاغا قالخیب. تورکیه‌نین آستانا دانیشیق‌لاری چرچیوه‌سینده روسیا و ایران ایله سوریه مسئله‌سینه دایر حل آختاریش‌لاری، بولگه ده سهو یئره یاتیریم قویان امریکانی یالنیزلاشدیریر. خصوصیله، تورک سلاحلی قوه لرینین ادلیبه کئچمه‌سی پروسئسی چرچیوه‌سینده استراتژی اهمیته مالیک الئیس تپه‌سینه یئرلشمه‌سی تورکیه‌نین سوریه-ده کی گوج‌لو موضعینی تصدیق ائدیر
"زیتون دالی" عملیاتی تورک سلاحلی قوه لری و سوریه موخالیف‌لری‌نین ایره‌لیلمه‌سی فونوندا داوام ائدیر. عفرین بؤلگه‌سی‌نین جوغرافی چتین‌لیک‌لرینه باخمایا‌راق، تورک سلاحلی قوه لری و سوریا موخالیف‌لری سرعتله ایرلیلییرلر. حاکم تپه‌لرین بیر-بیر آلیندیغی عملیاتین باشلادیغی زامان‌دان اعتباراً تأثیری بؤیوک‌دور. ی.پ.گ-نین بؤلگه‌ده مغلوب ائدیلمزلیگی و سیاسی قورویوجویا مالیک اولماسی ایله باغلی استراتژیسی ییخیلدی. سوریه-ده ی.پ.گ حاقیندا یارانان بو آنلاییش‌ین اساس منبعی امریکانین ترور تشکیلاتینا وئردیگی دستک‌دیر.
معلوم اولدوغو کیمی، ی.پ.گ-نین سوریه-ده نظارت ائتدیگی بؤلگه‌لرین اها‌لی‌سی‌نین اکثریتی عرب و تورکمن‌لردن عبارت‌دیر. خصوصیله، داعش بو بولگه ده بؤیوک میقیاسدا مغلوبیتیندن سونرا یئرلی خالق ی.پ.گ-نین مشروعیت مسئله‌سینی دوشونمه‌یه باشلادی. تورکیه‌نین عرب، تورکمن و کوردلردن عبارت اولان سوریه-لی موخالیف‌لرله بیرگه حرکت ائتمه‌سی اوچون آلترناتیو یاراتدی.
خصوصیله، منبیچ کیمی یئرلی خالقین ی.پ.گ-نین ظالم دیکتاتورلوغون‌دان اذیت چکدیگی بؤلگه‌لرده ی.پ.گ-یه قارشی مقاومت قروپ‌لاری یارادیلماغا و فعالیت گؤسترمه‌یه باشلادی. "زیتون دالی" عملیاتی‌نین الده ائتدیگی هر حربی اوغور، عینی زاماندا، ی.پ.گ-نین ظلمونه قارشی اولان عرب، تورکمن و کوردلری جسارتلندیریر.
"زیتون دالی" عملیاتی یالنیز ی.پ.گ-نی دئییل، سوریه-ده کی بوتون سیاسی یاتیریم لارینی ی.پ.گ-یه قویان امریکانی دا میداندا تک قویور. امریکانین تورکیه و عفرین عملیاتی ایله باغلی فرق‌لی بیانات‌لار وئرمه‌سی امریکانین اؤز ایچینده کی قاریشیق‌لیغی گؤستریر. امریکان قوروم‌لاری‌نین بیربیرین‌دن فرق‌لی سیاست‌لر یوروتمه‌سینی تصدیق ائدن سون فاکت سیا-نین ی.پ.گ-نین آدینی ترور تشکیلات‌لاری سیاهی‌سیندا گؤسترمه‌سی‌دیر.
روسیا، ایران و تورکیه-نین ضمانتینده داوام ائدن آستانا دانیشیقلاریندان کناردا قالان امریکا بولگه ده دیرسیز یالنیزلیغا دوغرو سوروک‌لنیر. بیر ترور تشکیلاتی ایله باشقا ترور تشکیلاتینی محو ائتمه‌یه چالیشان امریکانین سیاستی بؤلگه‌ده ناراحات‌لیق‌لارا سبب اولور. ی.پ.گ-نین سوریه-نین اراضی بوتؤو‌لوگونو تهلوکه‌یه آتان موضعی و امریکانین بولگه‌ده سرحدلری قوروما اردوسو قورما پلان‌لاری روسیا، ایران و تورکیه طرفیندن ناراضی لیقلا قارشیلاندی.
امریکا ی.پ.گ ایله علاقه‌سی‌نین داعش ایله موباریزه چرچیوه‌سینده اولدوغونو سؤیله‌میشدی. ایندی سوریه-ده بیر سیرا حربی بازا یارادا‌راق قالماغی پلانلاشدیریر.
سوریه-ده دیگر موهوم حادثه تورک سلاحلی قوه لری -نین ادلیبه کئچمه پروسئسی چرچیوه‌سینده یئنی نظارت منطقه‌سی قورماسی‌دیر. حلب-ین گونئی ینده استراتژی اهمیته مالیک الئیس قصبه سینده قورولان یئنی موشاهیده منطقه‌سی چاتیشمازلیک بولگه سی نین نظارتی اوچون اهمیتلی آدیم‌دیر.
تورکیه سون دؤورلرده آستانا دانیشیق‌لاری چرچیوه‌سینده سوریه داخیلینده و اولوسلار آراسی ایجتیمایتده استراتژی و قرار وئرن بیر آکتورا چئوریلدی. تورکیه گوج‌لو موقعیندن بیر طرف‌دن سوریه خالقی‌نین یاشادیغی فاجعه‌یه سون قویماق اوچون ایستیفاده ائدیر، دیگر طرف‌دن سوریه-نین داها یاخشی گلجگی اوچون آدیم‌لار آتیر.
تورکیه‌نین سوریه-ده قرار وئرن بیر آکتورا چئوریلمه‌سی اونون سوریه خالقینا اولان دستکیندن ایره‌لی گلیر. بیر طرف‌دن اؤز سرحدلری داخیلینده 3 میلیون سوریه-لیگه سیغینا‌جاق وئریر، دیگر طرف‌دن ده سوریه-ده یاشاماغا داوام ائدن 4 میلیون سوریه-لیگه بیر سیرا یاردیم‌لار ائدیر.
تورکیه‌نین سیاست، ایقتیصادیات و جمعیت آراشدیرما‌لاری فوندو-ستا-نین آراشدیرماچی یازاری جان آجونون فیکیرلرینی تقدیم ائتدیک .
