روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب.
اوکراین داخیلی ایشلر ناظیرلیگی روسیهنین دنیپروپترووسک ویلایتینه آغیر راکت هوجومو تشکیل ائتدیگینی آچیقلاییب.
دنیپرو شهرینده 5 مرتبهلی یاشاییش بیناسینین وورولدوغو بیلدیریلن آچیقلامادا 2 نفرین اؤلدویو، 20 نفرین یارالاندیغی بیلدیریلیب.
سینلنیکوو ولایتینده روسیهنین هوجومو نتیجهسینده 4 ائوین قیسماً داغیلدیغی، 10 ائوین ده ضرر گؤردویو قید ائدیلیب و سؤزوگئدن هوجومدا 2سی اوشاق اولماقلا 6 نفرین اؤلدویو، 6 نفرین یارالاندیغی پایلاشیلیب.
روسیهنین بؤلگهدهکی کریفیی ریه شهرینه هوجومو نتیجهسینده 3 نفرین یارالاندیغی دا بیلدیریلیب.
اوکراین پرزیدنتی ولادیمیر زلنسکی ده سوسیال مدیا حسابیندا روسیه اوردوسونون هوجوملاری نتیجهسینده دنیپرودا یاشاییش بیناسینین قیسما داغیلدیغینی و قطار دوراغینین زدهلندیگینی بیلدیریب.
زلنسکی کریفیی ریه و سینلنیکووداکی هوجوملارلا باغلی،"بوتون خسارت آلانلارا لازیمی یاردیم گؤستریلیر. تاسف کی، اؤلنلر وار. عائیلهلرینه و یاخینلارینا باشساغلیغی وئریرم." دئدی.
اوکراین لیدری، "اوکراینی هاوا هوجوموندان ساوونما سیستملری ایله تامین ائدن هر بیر دؤولت، طرفداشلاریمیزی هاوا هوجوموندان ساوونما سیستملرینین آرتیق آنبارلاردا دئییل، ترورچولارین هوجومو آلتیندا اولان گئرچک شهرلرده و توپلولوقلاردا یئرلشدیریلمهسینه ایناندیرماغا کؤمک ائدن هر بیر لیدر، ساوونمامیزی دستکلیین هر بیر اینسان قورتاریجیدیر. روسیه ترورونو مغلوب ائتملیییک. بو، یالنیز بیزیم اؤلکهمیز اوچون دئییل، اوکراین اوچون دئییل، گلوبال بیر احتیاجدیر." قییمتلندیرمهسینی ائتدی.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی