زلنسکی حربی سفربرلیک شرطلرینی سرتلشدیردی
قانونا اساساً، سفربرلیک زامانی یاشی 18-دن 60-دک اولان کیشیلردن هر زامان حربی قیدییات شهادتنامهسی داشیماسی طلب اولوناجاق
اوکراین پرزیدنتی ولادیمیر زلنسکی حربی سفربرلیک شرطلرینی سرتلشدیرن قانونو تصدیقلهییب.
اوکراین پارلامئنتینین سایتیندا زلنسکینین سفربرلیک، حربی قیدیات و حربی خیدمتله باغلی بعضی مسئلهلری تکمیللشدیرمک اوچون یئنی سفربرلیک قانونونو ایمضالادیغی بیلدیریلیب.
قانون رسمی درج ائدیلدیگی گوندن 1 آی سونرا اجرا اولاجاق.
اوکراین پارلامئنتی آوریلین 11-ده حربی سفربرلیک شرطلرینی سرتلشدیرن قانون لایحهسینی قبول ائدیب.
قانونا اساساً، سفربرلیک زامانی یاشی 18-دن 60-دک اولان کیشیلردن هر زامان حربی قیدییات شهادتنامهسی داشیماسی و حربی کومیسارلیغین نومایندهسینین و یا پولیس امکداشینین طلبی اساسیندا تقدیم ائدیلمهسی طلب اولوناجاق.
سرحد کئچید منطقهسینده و یا سرحد بولگهسینده، سرحد ضابیظی طرفیندن طلب اولونارسا، کیشیلرده حربی قیدیات شهادتنامهسینی گؤسترملیدیرلر.
بوندان باشقا، خاریجده اولان و حربی قیدیات سندی اولمایانلار یئنی پاسپورت آلا بیلمهیهجکلر.
قانون درج ائدیلدیکدن سونرا حربی خیدمته کئچملی اولان بوتون شخصلر 60 گون عرضینده یاشاییش عنوانلارینی، علاقه معلوماتلارینی و حربی قیدیات معلوماتلارینی یئنیلهمهلی اولاجاقلار.
یاشی 18-60 آراسیندا اولان حربی خیدمته موظف اولان شخصلر اوکراینین خاریجی دیپلوماتیک قوروملاریندا یالنیز حربی قیدیات معلوماتلارینی یئنیلهدیکده کونسوللوق خیدمتی آلا بیلهجکلر.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی