گوترش: رمضان غزهده آتشکس اوچون چوخ یاخشی فرصت
آنتونیو گوترش: غزهده اینسانی آتشکس ایستییریک و رمضان بونا یئتیشمک اوچون چوخ یاخشی فرصت اولا بیلر
بیرلشمیش میللتلر تشکیلاتینین باش کاتیبی آنتونیو گوترش غزهدا اینسانی آتشکس ایستدیکلرینی و رمضان آیینین بونا نائیل اولماق اوچون چوخ یاخشی فرصت اولا بیلهجیینی سؤیلدی.
ایتالییانین "نووه" تلویزیونوندا یاییملانان پروگراما قاتیلان آنتونیو گوترش ایسرائیلین هوجومو آلتیندا اولان غزهیه توخوناراق دئییب:
"غزهده موحاریبهنین آپاریلما طرزی اونو گؤستریر کی، مولکی اینسانلار ان یوکسک قییمتی اؤدییر. بو آیدیندیر. ایسرائیل بونون فیلیسطینلیلره دئییل، حماسا قارشی موحاریبه اولدوغونو سؤیلدی، آما گئرچکلیک اودور کی، بو ایش فیلیسطینلیلرین بیرگه جزاسینا چئوریلدی. غزهده اینسانی آتشکس ایستییریک و رمضان بونا یئتیشمک اوچون چوخ یاخشی فرصت اولا بیلر" دئدی.
بیرلشمیش میللتلر تشکیلاتینین باش کاتیبی همچینین بیلدیریب کی، رمضان آییندا غزهنین دواملی بومباردمانلاری ایسلام دونیاسینا "اینانیلماز تاسیر گؤستره بیلر".