استفان دوجاریک: "غزه-یه اینسانی یاردیم چات‌دیرا بیلمیریک"

بیرلشمیش میللت‌لر تشکیلاتی (بمت) رفح و کرم ابوسلیم سرحد-بوراخیلیش منطقه‌لرینین باغلانماسیندان سونرا غزه-یه اینسانی یاردیم چات‌دیرا بیلمه‌دیک‌لرینی آچیقلاییب.

بمت-نین سؤزچوسو استفان دوجاریک کئچیردیگی گونده‌لیک مطبوعات کنفرانسیندا ژورنالیست‌لره بیانات‌لار وئریب.

استفان دوجاریک بمت-نین اینسانی مسئله‌لرین علاقه لندیریلمه‌سی اوفیسی‌نین (OCHA) بؤلگه‌ده‌کی رسمی‌لردن الده ائتدیگی معلوماتا ایستیناد ائده‌رک ایسراییل اوردوسونون "تخلیه امری"ندن سونرا اون مین‌لرله اینسانین رفح-ده مجبوری کؤچکون وضعیتینه دوشدوگونو قئید ائدیب.

سؤزوگئدن اینسان‌لارین سون 7 آیدا دفعه‌لرله یورد-یووالاریندان‌ دیدرگین دوشدوگونه دقت چکن استفان دوجاریک دئییب:"غزه-ده‌کی سیویل اها‌لی‌نین اساس احتیاج‌لاری قارشیلانما‌لی‌دیر".

رفح و کرم ابوسلیم سرحد-بوراخیلیش منطقه‌لرینین باغلی اولدوغونو خاطیرلا‌دان استفان دوجاریک دئییب: "بو بؤلگه‌یه اینسانی یاردیم چات‌دیرا بیلمه‌یه‌جگیمیز معناسینا گلیر. خسته‌لیکله موباریزه آپاران 3 میندن چوخ اوشاغا چاتدیرما‌لی اولدوغوموز غذا ماتئریال لارینا دا چیخیشیمیز یوخدور.

بمت-نین آپاردیغی سون سورغویا توخونان استفان دوجاریک غزه-ده 700 مین قادین و قیز اولدوغونو و اونلارین گئده‌جک یئرلری‌نین اولمادیغینی بیلدیریب.

قادین و قیزلارین 93 فایزینین ائولرینده و سیغینا‌جاق‌لاریندا اؤزلرینی تهلوکه‌سیز حیس ائتمه‌دیک‌لرینی ایفاده ائدن استفان دوجاریک قادین‌لارین 80 فایزی‌نین دپرسیونا دوشدوگونو قئید ائدیب.

بمت-نین اینسانی مسئله‌لرین علاقه لندیریلمه‌سی اوفیسی‌نین (OCHA) ایشغال اولونموش فیلیسطین اراضی‌لرینده‌کی اینسانی مسئله‌لر کووردیناتورو آندره آ دومنیکو بیلدیریب کی، ایسراییلین "تخلیه امری"ندن سونرا هر ساعاتدا تخمینن 200 عائله رفح شهرینی ترک ائدیر.

آندره آ دومنیکو غزه-ده اوشاق‌لارین 7 آیدیر تهلوکه‌سیز تحصیل ساحه لریندن  محروم اولدوغونو قئید ائدیب.

بیرلشمیش میللت‌لر تشکیلاتی‌نین یاخین دوغوداکی فیلیسطین‌لی قاچقین‌لارا یاردیم و باریندیرما آژانسی (آونروا) دونن رفح شهرینه ائدیله‌جک هوجومون غزه-ده‌کی 50 مین هامیله قادینا منفی تأثیر ائدجگینی وورغولاییب.