کانادا تورکیه-یه قارشی سلاح محدودیت‌لرینی لغو ائدیب

کانادا حکومتی تورکیه-یه ساتیش ائتمک ایسته‌ین ساوونما صنایعسی شیرکت‌لرینه 2020-جی ایلدن بری تطبیق ائتدیگی صادرات محدودیت‌لرینه سون قویدوغونو آچیقلاییب.

حکومتین رسمی اینترنت سایتیندا صادرات رئال‌لاش‌دیران شیرکت‌لره وئریلن معلوماتدا محدودیت‌لرین آرتیق قوه‌ده اولمادیغی بیلدیریلیب.

آچیقلامادا خاطیرلادیلیب کی، 16 آوریل 2020-جی ایل تاریخیندن ساوونما صنایعسی ایله باغلی بعضی محصول‌لارین تورکیه-یه صادراتی اوچون مراجعت‌لر اوچون رد سیاستی حیاتا کئچیریلمه‌یه باشلانیلیب.

بو قرارین وئریلدیگی تاریخ‌دن اعتباراً احتیمال ائدیلن رد سیاستی آرتیق قوه‌ده دئییل.

مهمات سیاهی‌سی دا داخیل اولماقلا صادراتچی قروپ‌لار طرفیندن تورکیه-یه ائدیله‌جک صادرات و دلال‌لیق ایجازه‌لری اوچون مراجعت‌لرین کانادانین ریسک قیمتلندیرمه چرچیوه‌سی داخیلینده ایندی آیری-آیری‌لیقدا آراشدیریلاجاغی قئید ائدیلیب.

قئید ائدک کی، کانادا حکومتی ائرمنیستانین ایشغا‌لی آلتیندا اولان آذربایجان تورپاق‌لارینا قارشی 27 سپتامبر 2020-جی ایل تاریخینده باشلایان و 44 گون داوام ائدن ایکینجی داغلیق قاراباغ محاربه‌سینده آذربایجانین یانیندا اولدوغو اوچون تورکیه-یه سلاح تحریمی قویوب.