کاتالونیا موختار بؤلگهسینده پارلمان سئچیملری
کاتالونیادا آیریلیقچی جهدلرین باشلادیغی 2010-جو ایلدن بری 6-جی نؤبهدن کنار سئچکی دونن کئچیریلیب
ایسپانیانین کاتالونیا موختار بؤلگهسینده دونن کئچیریلن یئرلی پارلمان سئچکیلرینده کاتالونیا سوسیالیست حزبی غالیب گلسه ده، کیفایت قدر رای چوخلوغو الده ائدیلمهییب.
کاتالونیادا آیریلیقچی جهدلرین باشلادیغی 2010-جو ایلدن بری 6-جی نؤبهدن کنار سئچکی دونن کئچیریلیب.
سئچکیلرده ایشتیراک یوزده 57.8 فائیض اولوب.
غیر رسمی نتیجهلره گؤره، سئچکی قوتولارینین 96 فائیضی آچیلیب.
بونا گؤره، 135 یئرلیک کاتالونیا پارلمانیندا کاتالونیا سوسیالیست حزبی 42، ایسپانیادا چیخاریلان حبس قرارینا گؤره فرانسادا اولان کاتالونیا هؤکومتینین کئچمیش باشچیسی کارلئس پویگدئمونتون رهبرلیک ائتدیگی و کاتالونیا نامینه بیرلیک 35، جمهوریتچی سول پارتیسی 20، ساغ گؤروشلو کاتالونیا خالق پارتیسی 15، ایسپانیانین افراط ساغینی تمثیل ائدن ووخ 11، افراطی سول کومونلار ایسه 6، آیریلیقچی پارتیلردن خالق نامیزدلیگی پارتیسی 4، سئچکیلره ایلک دفعه قاتیلان کاتالون میلتچیسی، آیریلیقچی، افراط ساغچی آلیانچا کاتالانا ایسه ۲ نوماینده چیخاردیب.
2021-جی ایلین سون سئچکیلری ایله موقایسهده یئنیدن بیرینجی پارتی اولاراق میدانا چیخان کاتالونیا سوسیالیست حزبی نمایندهلرینین سایینی ۹ آرتیردی، اقتداردا اولان اتالونییانین جمهوریتچی سول پارتیسی ایسه 13 نماینده ایتیردی.
بئلهلیکله، 2010-جو ایلدن سونرا ایلک دفعه اولاراق آیریلیقچی سیاسی پارتیلر کاتالونیا یئرلی پارلمانیندا چوخلوغو ایتیردیلر.
ایلگیلیلی خبرلر
اوکراینا پرزیدنتی ایسپانیایا یولا دوشوب
اوکراینا پرزیدنتی ولودیمیر زلنسکی میین 27-ده ایسپانیایا سفر ائدهجک.