آسیادا اویوشدوروجو تیجارتینده آرتیش وار
دوغو و گونئی دوغو آسیادا صنعی اویوشدوروجونون یوکسک میقدارلاردا اوره‌تیلمگه و ساتیلماغا داوام ائدیلدیگی ایفاده ائدیلدی
آسیا قاره‌سین‌ده مت‌آمفتامین کیمی صنعتی اویوشدوروجو تیجارتینین "آشیری سویه‌لره" یوکسلدیگی بیلدیریلدی.
بیرلشمیش میللتلر اویوشدوروجو و سوچ اوفیسی طرفیندن یاییملانان راپور‌دا، دوغو و گونئی دوغو آسیادا صنعی اویوشدوروجونون یوکسک میقدارلاردا اوره‌تیلمگه و ساتیلماغا داوام ائدیلدیگی ایفاده ائدیلدی.
راپور‌دا، اویوشدوروجولارین تاپیلابیلیر و ساتیش قیمتینین آشاغی اولماسینین، بو طرز ماده‌لره دایر عرضه‌نین "چوخ یوکسک اولدوغونو یا دا دییشمه‌دن قالدیغینی" گؤستردیگینه ایشاره ائدیلدی.
کارتللرین، یئنی نسیل کوروناویروس (کووید-۱۹) سالقینی سببیله گتیریله‌ن محدودلاشدیرمالاردان اؤترو اویوشدوروجو تیجارتینه "هاراداسا سون وئردیگی" ایفاده ائدیله‌ن راپور‌دا، بو محدودلاشدیرمالارین قالدیریلماسییلا دوغو و گونئی دوغو آسیادا بؤلگه‌نین ان گوجلو تیجارت شبکه‌لرینین سالقین اؤنجه‌سی دؤنمده‌کی وضعیتلرینه دؤندوگو ایفاده ائدیلدی.
راپور‌دا، اوزون ایللردیر مت‌آمفتامین اوره‌تیمینین چوخونون میانمار، لائوس و تایلند سرحدلرینین کسیشدیگی "قیزیل اوچ‌بوجاق" آدی وئریله‌ن بؤلگه‌ده گئرچکلشدیگینه دقت چکیله‌رک، اویوشدوروجو کارتللرینین آندامان دنیزی اوزرین‌دن ژاپن، یئنی زلاند و استرالیا کیمی اؤلکه‌لره گؤندریلدیگی قید ائدیلدی.
راپور‌دا، مت‌آمفتامین کیمی باشقا بیر اویوشدوروجو کتامین اوره‌تیمی و ساتیشینین دا بیر اؤنجه‌کی ایله مقایسه‌ده یوزده ۱۶۷ یوکسلدیگی بیلدیریلرک، ژاپن و هنگ کنگ خاریج بؤلگه‌ده‌کی هارداسا هر اؤلکه‌ده بو طرز ماده‌لرین پلیسلر طرفیندن داها چوخ اله گئچریلدیگی ایفاده ائدیلدی.
بیرلشمیش میللتلر اویوشدوروجو و سوچ اوفیسیین معلوماتلارینا گؤره، دوغو و گونئی دوغو آسیادا ۲۰۲۱ده ۱ میلیارددان چوخ مت‌آمفتامین حب اله گئچریلدی.
