امریکا-دا کوروناویروس سببی ایله تطبیق اولونان فوق العاده وضعیت رژیمی لغو ائدیلدی

امریکا پرزیدنتی جو بایدن "کووید-19" پاندمیسی ایله علاقه‌دار تطبیق ائدیلن فوق العاده وضعیت رژیمی‌نین لغوینی تصدیقله‌ییب.

بو باره‌ده آغ ائوین مطبوعات خیدمتی معلومات یاییب.

پرزیدنت بایدن مووافیق قانونو آوریلین 10-دا ایمضالاییب.

خاطیرلاداق کی، اوزون مدت‌دیر کی، اؤلکه‌ده کوروناویروسون یاراتدیغی تدبیرلر خیلی یومشالدیلیب.

اپیدمی ایله گلن واکسن و ماسک ط​لبی کیمی اجتماعی ساغلام‌لیقلا باغلی بیر سیرا قایدا‌لارا اعتراض ائدن جمهوریتچیلر بایدن‌ین کئچن ایلکی "کووید-19" اپیدمیسی بیتدی" آچیقلاماسینا ایستیناد ائده‌رک، سؤزوگئدن قانون لاییحه‌سینی گوندمه گتیریب.

قانون لاییحه‌سی نوماینده‌لر مجلیسینده 210 "خیر" سسینه قارشی 220 "هه" سسی ایله قبول ائدیلیب. سناتدا 68 "هه" سسی، 23 "خیر"  سسی ایله قبول ائدیلیب.

آغ ائوین رهبرلیگی و بودجه دایره سی "کووید-19" سببیله "میللی فوق العاده وضعیت" و "اجتماعی ساغلاملیغا دایر عاجیل وضعیت" حال‌لاری‌نین ساغلیق سیستم‌لرینده کاوس و غیری-معین‌لیک‌لرین قارشی‌سینی آلماق چون 11 می ده لغو ائدیله جگینی آچیقلاییب.