"سوئددهکی موتشکل سوچ چتهلری پکاکانی مالیهلشدیریر"
سوئدین ناتویا عضولوک باش موذاکیرهچیسی اوسکار استنستروم، بؤلوجو ترور هؤرگوتو پکاکا/یپگنین اؤلکهسیندهکی وضعیتی ایله باغلی دانیشدی
سوئدین ناتویا عضولوک باش موذاکیرهچیسی اوسکار استنستروم، بؤلوجو ترور هؤرگوتو پکاکا/یپگنین اؤلکهسیندهکی وضعیتی ایله باغلی،
«سوئددهکی موتشکل سوچ چتهلری پکاکانی مالیهلشدیریر» دئدی.
سوئد دؤولت رادیوسونا آچیقلاما وئرهن اوسکار استنستروم، تورکیه، سوئد و فنلاند آراسیندا ناتویا عضولوکله باغلی اوچلو مکانیزم توپلانتیسینین یئنیدن باشلاماسی اوچون گلن هفته تورکیه ایله ارتباطا گئچمهیی دۆشوندوگونو سؤیلهدی.
استنستروم، «حاضردا فایدالی و گۆون ایچرهن بیر گؤروشمه اولمایاجاغی اۆچون بیر آرایا گلیب دانیشیقلار آپارماق معناسیز اولاجاق و احتمالاً پروسهنی داها دا چتینلشدیرهجک. آنجاق اۆز اۆزه توپلانتیلارین داوام ائتمهسی تۆرکیه طرفی ایله گلن هفته ارتباطا گئچمهیی دۆشونورم» ایفادهلرینی ایشلتدی.
سوئد و فنلاند ایله ائدیلن دائمی اورتاق مئکانیزم گؤروشمهلرینین ائرتهلنمهسی ایله باغلی استنستروم،
"یاسال اولماسینا باخمایاراق، تۆرکیهنین استکهلم ائلچیلیگی قارشیسیندا قرآن کریمین یاندیرماق بوتون بیر دینی اینجیتمیشدیر. ناتو دانیشیقلاری اوچون بو هئچ ده مثبت دئییل، بو اینجیدیجی بیر وضعیتدیر و بونونلا باغلی اؤز گؤروشلریمیزی بیلدیردیک" دئدی.
بؤلوجو ترور هؤرگوتو پکاکا/یپگ ایله باغلی دا آچیقلامالار وئرهن استنستروم، تۆرکیهنین فنلانددان چوخ سوئده دقت ائتمهسینین سببی اولاراق بو هؤرگوتون سوئددهکی مالی قایناغینین داها چوخ اولماسینا وورغو ائتدی.
استنستروم، "سوئدده موتشکل سوچ چتهلری پکاکانی مالیهلشدیریر. فنلانددان فرقلی اولاراق، سوئدده پکاکانین داها چوخ مالی قایناغی وار" دئدی.