آوروپا بیرلیگی شوراسی‌نین پوتینه چاغیریشی
آوروپا بیرلیگی شوراسی‌نین صدری چارلز میشل روسیا پرزیدنتی ولادیمیر پوتینی ساواشی درحال دایاندیرماغا چاغیردیغینی آچیقلاییب.
آوروپا بیرلیگی شوراسی‌نین صدری چارلز میشل روسیا پرزیدنتی ولادیمیر پوتینی ساواشی درحال دایاندیرماغا چاغیردیغینی آچیقلاییب.
چارلز میشل توییتر سوسیال شبکه حسابیندان ائتدیگی پای‌لاشیمدا پوتین ایله گؤروشدوگونو و روسیانین اوکراینایا قارشی "قارداشجا قتل" محاربه‌سینی عاجیل دایاندیرماسی‌نین واجیب‌لیگینی وورغولاییب.
اوکراینادا درحال آتشکس و روسیا اوردوسونون گئری چکیلمه‌سینه چاغیریش ائتدیگینی بیلدیرن میشل پوتین ایله اوکراینا و روسیا آراسیندا داوام ائدن دانیشیق‌لاری موذاکیره ائتدیک‌لرینی ایفاده ائدیب.
"روسیا قوه‌لری طرفیندن اوکراینا‌لی سیویل لری آیری-سئچکی‌لیک اولما‌دان آتشه توتولماسی دایاندیریلما‌لی‌دیر. روسیا عاجیل اولا‌راق اینسانی یاردیمین و تهلوکه‌سیز کئچیدی تامین ائتمه‌لی‌دیر"-دئیه میشل قئید ائدیب.
خاطیرلاداق کی، روسیا عسگرلری فوریه‌نین 24-ده اوکراینایا حربی هوجوم باشلادیب.
