دونیا ساغلیق تشکیلاتی"اومیکرون" واریانتی باره‌ده آچیقلاما یاییب
دونیا ساغلیق تشکیلاتی" اومیکرون" واریانتی ایله باغلی اولوسلار آراسی توپلوما توصیه‌لر وئریب.
دونیا ساغلیق تشکیلاتی یئنی نوع کوروناویروسون (کووید-19) "اومیکرون" واریانتی‌نین اورتایا چیخدیغی اؤلکه‌لر اوچون سیاحت محدودیت‌لری‌نین بو واریانتین قلوبال یاییلماسی‌نین قارشی‌سینی آلا بیلمه‌یه‌جگینی آچیقلاییب.
تشکیلاتین بونونلا باغلی بیاناتیندا " اومیکرون" واریانتی ایله باغلی اولوسلار آراسی توپلوما توصیه‌لر وئریلیب.
واریانتلا باغلی سون اینکیشاف‌لارین دونیا ساغلیق تشکیلاتی کاتیب‌لیگی طرفیندن یاخین‌دان ایزلندیگی وورغولانیب و واریانتین ایلک دفعه اورتایا چیخدیغی گونئی افریقا جمهوریتی و بوستوانانین اولوسلار آراسی ساغلیق نیظامنامه‌لرینه اساساً "اومیجرون" حال‌لارینی تئز بیر زاماندا معین ائدیب مووافیق قایدادا معلوماتلان‌دیرا‌راق اوغورلو موباریزه نوماییش ائتدیردیگی وورغولانیب.
بیاناتدا " اومیکرون" واریانتی "ناراحات ائدیجی" اولا‌راق خاراکتئریزه ائدیلیب، یئنی واریانتا گؤره علاقه‌دار اؤلکه‌لره سیاحت محدودیت‌لری تطبیق ائدن اؤلکه‌لر اوچون "سیاحت محدودیت‌لری تطبیق ائدن اؤلکه‌لر بو تدبیرلری ثبوتا و ریسکه اساس‌لانان بیر یاناشما ایله آلما‌لی‌دیرلار." توصیه‌سی یئر آلیب.
بعضی اؤلکه‌لرین واریانتین یاراندیغی اؤلکه‌لردن اوچوش‌لاری تامامیله دایان‌دیرماق قراری ایله علاقه‌دار "تام سیاحت قاداغا‌لاری واریانتین اولوسلار آراسی یاییلماسی‌نین قارشی‌سینی آلمایا‌جاق، عکسینه اینسان‌لارین گونده‌لیک حیاتی و دولانیشیق‌لاری اوچون یوک اولا‌جاق، عینی زاماندا اپیدمییه قارشی قلوبال موباریزه و اوچوش‌لارا منفی تأثیر گؤستره‌جک" خبردارلیغی ائدیلیب.
بیلدیریلیب کی، اپیدمی داوام ائتدیگی مدتده اینسانی یاردیم، یوک داشیما‌لاری، اساس محصول تداروکو و اینسانی یاردیم کیمی حیاتی اهمیتلی اولوسلار آراسی سفرلر داوام ائتمه‌لی‌دیر.
" اومیکرون" واریانتی‌نین یاییلماسی‌نین قارشی‌سینی آلماق اوچون بوتون اؤلکه‌لره "ایزلمه و آردیجیل‌لیق سیستم‌لری‌نین ایشلنیب حاضیرلانماسی"، "ویروسون تاماملانمیش ژنوم آردیجیل‌لیغینی آسان‌لیقلا الده ائدیله بیلن وئریلن‌لر بازا‌لارینا تقدیم ائتمک"، "واریانت‌لارا دایر یولوخما و یولوخما قروپ‌لارینی دونیا ساغلیق تشکیلاتینه بیلدیرمگی توصیه ائتمیش‌دیر.
دونیا ساغلیق تشکیلاتی-نین باش مودیری دوکتور آدهانوم گبرسیوس دا " اومیکرون" واریانتی‌نین گؤرولدوگو اؤلکه‌لره تطبیق ائدیلن سیاحت محدودیت‌لرینه رئاکسیا وئردی و گونئی افریقا و بوستوانانین سیاحت قاداغاسی ایله جزالاندیریلدیغینی مدافعه ائتدی.
