دیمیتری پسکوو آمریکانین اوکراینا سیلاح گؤندرمه‌سینی قیمتلندیریب
روسیه پرزیدنت سارایینین سؤزچوسو: بیز اؤز مقصدیمیزه نایل اولاجاغیق، لاکین بو، اوکراین اوچون داها چوخ پروبلم یاراداجاق
روسیه پرزیدنت سارایینین (کرملین) سؤزچوسو دیمیتری پسکوو آمریکانین اوکراینا سیلاح گؤندرمه‌سینه باخمایاراق، هدفه چاتاجاقلارینی بیلدیریب.
پسکوو پایتخات مسکودا گؤندمده‌کی مؤوضوعلارلا باغلی ژورنالیستلره آچیقلامالار وئریب.
آمریکا خاریجی ایشلر ناظیرلیگی سؤزچوسونون معاوینی ودانت پاتلین اوکراینین اوزون مدتدیر طلب ائتدیگی اوردو تاکتیک راکت سیستمی (ATACMS) کیمی تانینان اوزاق منزیللی بالیستیک راکتلری گیزلی شکیلده کی‌یفه چاتدیردیقلارینا دایر آچیقلاماسینی دَیرلندیرن پسکوو قید ائدیب کی:
"آمریکا و اوروپالیلارین حرکتلری آرتیق آیدین و آچیق شکیلده گؤروله‌بیلندیر. هر هانسی بیر مسئله حاقیندا تفرعاتلی دانیشماغا باشلایان کیمی چاتدیریلما حیاتا کئچیریلیر. آمریکا بو مسئله‌ده (اوکراین) بیرباشا ایشتیراک ائدیر. تجهیز ائتدیکلری سیستملرین منزیلینین آرتیریلماسی ایستقیامتینده حرکت ائدیرلر. بو، (اوکرایندا) خوصوصی حربی عملیاتین نتیجه‌لرینه اساسلی تأثیر گؤسترمیه‌جک. بیز اؤز مقصدیمیزه نایل اولاجاغیق، لاکین بو، اوکراین اوچون داها چوخ پروبلم یاراداجاق."
پسکوو آمریکا کنگره‌سی عضولری و سناتورلارین سؤزوگئدن یوکلرین آمریکا قانونلارینا اویغون اولوب-اولمادیغینی یوخلاماق حقوقونا مالیک اولدوغونو بَیان ائدیب.
آمریکانین دوندوردوغو روسیه وارلیقلارینا حبس قویولاجاغی تقدیرده روسیه‌نین هانسی آددیملار آتاجاغی سئوالینا پسکوو: "بونو آچیقلامایاجاغیق. بونو منفعتلریمیزه ان اویغون شکیلده ائده‌جَییک. البته کی، منفعتلریمیزی قورویاجاغیق" دئییب.
ایلگیلی‌لی خبرلر
فیلیپپینده 5.7 ریشتر گوجونده زلزله
آمریکا ژئولوژی خیدمتینین معلوماتینا گؤره، 5.7 ریشتر گوجونده زلزله 7.9 کیلومتر درینلیکده قیده آلینیب
