امریکا و آلمانیا "قوزیی آخینی 2" بورو کمری لاییحه‌سی‌نین تاماملانماسی باره‌ده قرارا گلدی‌لر

امریکا و آلمانیا روسیا‌دان آوروپایا "قوزیی آخینی 2" بورو کمری لاییحه‌سی‌نین تاماملانماسینا ایمکان وئرن قرارا گلیب‌لر.

راضیلاشما ایله امریکا و آلمانیا روسیانین "قوزیی آخینی 2" بورو کمریندن سیاسی سلاح کیمی ایستیفاده ائتمک جهدی‌نین قارشی‌سینی آلا‌جاق‌لاری وعدینی وئریب‌لر.

ایکی اؤلکه‌نین اورتاق آچیقلاماسیندا دئییلیر: "امریکا و آلمانیا تحریم لر و دیگر آراج لار ایله خرج‌لر تطبیق ائتمکله روسیانی تجاوزکار و ضررلی فعالیت‌لرینه گؤره جاواب ده ائتمک عزمینده‌دیرلر".

روسیا انرژی‌دن سلاح اولا‌راق ایستیفاده ائدجگی و یا اوکراینایا قارشی داها چوخ حرکته کئچمه‌یه چالیشاجاغی تقدیرده آلمانیانین میللی سویه‌ده آددیم آتاجاغی بیلدیریلیب.

بیاناتدا روسیانین انرژی سکتوروندا آوروپایا صادرات ایمکان‌لارینی محدودلاش‌دیرماق اوچون تحریم لرین تطبیق ائدیلمه‌سی داخیل اولماقلا آوروپا سویه‌سینده تأثیرلی تدبیرلر اوچون تضییق گؤستریله‌جگی قئید ائدیلیب.

آچیقلامادا امریکا و آلمانیانین اوکراینانین انرژی قایناق‌لارینی چئشیدلندیریلمه‌سی اوچون 1 میلیارد دو‌لارلیق فوندو دستکلمه وعدینی وئردیگی اولدوق‌لاری و ایلک اولا‌راق آلمانیانین 175 میلیون دو‌لارلیق پول وئرجگی وورغولانیب.

عمومی دیری‌نین 10 میلیارد یورو جیواریندا اولاجاغی گؤزله‌نیلن "قوزیی آخینی 2" بورو کمری لاییحه‌سی ایله ایلده 55 میلیارد متر مکعب روسیا گازی‌نین بالتیک دنیزی واسیطه‌سیله آلمانیایا گؤندریلمه‌سی پلانلاشدیریلیر.

لاییحه‌یه اعتراض ائدن اؤلکه‌لر "قوزیی آخینی 2" بورو کمری‌نین آوروپا اؤلکه‌لری‌نین روسیا‌دان آسی‌لی‌لیغینی آرتیرماغا چالیشدیغینی ادعا ائدیرلر.