ناتو ذیروهسی باشلادی
تورکیهنی جمهورباشقانی رجب طیب اردوغانین تمثیل ائتدیگی ییغینجاغا ۳۰ متفق اؤلکهنین لیدئری قاتیلیر
ناتو اؤلکهلرینین دؤولت و حکومت باشقانلارینین قاتیلدیغی ذیروه بلژیکین باشکندی بروکسلدهکی ناتو قرارگاهیندا باشلادی.
تورکیهنی جمهورباشقانی رجب طیب اردوغانین تمثیل ائتدیگی ییغینجاغا ۳۰ متفق اؤلکهنین لیدئری قاتیلیر.
ذیروهنین گوندمینده اتفاقین گلهجک ۱۰ ایللیک یول خریطهسینین تعیین اولونماسی، ناتونون استراتژیک آنلاییشینین گؤنجللنمهسی، چینین یوکسلیشی، سون ایللرده گئریلهیهن روسیا ایله ایلیشکیلرین وضعیتی و اوکراینا، سایبری تهدیدلر، ترورلا مبارزه، داغیدیجی تکنولوژیلر، ایقلیم دییشیکلیینین تهلوکهسیزلییه تأثیرلری و افغانستانداکی ناتو وظیفهسینین سونلاندیریلما قراری سونراسی دوروم کیمی مؤوضوعلار وار.
آمریکا بیرلشمیش دؤولتلری باشقانی جو بایدنین باشقان سئچیلمهسیندن سونرا ایلک دفعه قاتیلدیغی ناتو ذیروهسینده ترانسآتلانتیک ایلیشکیلری ده اله آلیناجاق.